आत्मदाह गरेका प्रेम आचार्यको परिवारसंग शर्माले भनेः सिंङ्गो देश तपाइहरुको साथमा छ

इलाम, माघ १६ । नेपाली काँग्रेसका महामन्त्री विश्वप्रकाश शर्माले आत्मदाह गरेका इलामका प्रेम आचार्यको परिवारलाई भेटेर समवेदना व्यक्त गर्नु भएको छ । १३ दिने कार्य भइरहेको सुर्योदय नगरपालिका वडा नं। ११ केराबारीस्थीत आचार्यको मुल घरमा पुगेर शर्माले परिवारजनलाई समवेदना व्यक्त गर्नु भएको हो । ‘वहाँले उठाएको बिषयप्रति गम्भिर छौं,’ परिवारजनसंग शर्माले भन्नुभयो, ‘तपाइहरुको साथमा सिङ्गो देश उभिएको छ ।’

झापा क्षेत्र नं। १ बाट प्रतिनिधिसभा सदस्य समेत रहनु भएका शर्माले प्रेम आचार्यले उठाएका सरकारी प्रक्रियाले दिएको हैरानीको बिषय नेपालमा नै रहेर केही गरौं भन्ने तमाम युवाहरुले भोगेको यथार्थ भएको बताउँदै यसको समाधानका लागि सरकारलाई सहयोग गर्ने बताउनु भयो । ‘सरकारी प्रक्रियाको हैरानी निक्कै कहालीलाग्दो छ,’ वहाँले भन्नुभयो, ‘सरकारले एउटा निर्णय गर्दैमा यो समाधान हुँदैन, सबैले सहयोग गर्नु पर्छ । प्रतिपक्षी दल भए पनि हामी सरकारी काम कारबाही चुस्त बनाउन सरकारलाई सहयोग गर्छौं ।’

आचार्यप्रति श्रद्धाञ्जली व्यक्त गर्दै काँग्रेस महामन्त्री शर्मा ।

आचार्यको काज किरियामा रहनु भएका वहाकी श्रीमती नानुका आचार्य, वहाँका दाजु, छोरी, आमा र हजुरबुवा सहितका परिवारसंग काँग्रेस महामन्त्री शर्मासहित काँग्रेस इलामका सभापति डम्बर खड्का, सुुर्योदय नगरपालिकाका उपप्रमुख दर्गा बराल, झापा क्षेत्र नं। १ का काँग्रेस सभापति इन्द्रबहादुर बुढाथोकी लगायतले भेट गरी समवेदना व्यक्त गर्नु भएको थियो ।

• संसद विघटन