माघ १८ गते,इनरुवा । सुनसरीको भोक्रहा नरसिंह गाउँपालिका वडा नं.२ आकाहा स्थित रहेको श्री आधारभुत विद्यालयमा अग्रेंजी विषयको शिक्षकको ठाउँमा सामाजिक शिक्षकलाई हाजिरी गराउन चाहेको अभिभावकहरुले तालाबन्दी गरेका छन ।
भोक्राहा नरसिंह गाउँपालिकाका अध्यक्ष अज्मल अक्तर अजादले उक्त विद्यालयमा अग्रेंजी विषयको शिक्षकको ठाउँमा सामाजिक शिक्षकलाई हाजिरी गराउन प्रअलाई दवाव दिरहेकोले तालाबन्दी गरेका हुन् ।
अंग्रेजी शिक्षकको स्थानमा सामाजिक शिक्षकलाई गाउँपालिकाबाट निर्णय गरि हाजिर गर्न विद्यालय व्यवस्थापन समिति तथा शिक्षकहरुलाई अध्यक्ष अजादले पटक पटक दवाव दिरहेको र विगत १० महिनादेखि अंग्रेजी तथा गणित बिषय विद्यालयमा पठनपाठन नभएकोले बाध्य भएर तादाबन्दी गरेको अभिभावकहरुले जानकारी दिए ।
अभिभावकहरुका अनुसार सामाजिक शिक्षक नेपाली कांग्रेससंग आवद्ध रहेको र गाउँपालिका अध्यक्ष अजाद पनि नेपाली कांग्रेसकै भएकोले आफ्ना पार्टीका मानिसलाई विद्यालयमा राखि राजनीति गर्न खोजेको हो ।
अग्रेंजी तथा गणित विद्यालयको पढाई चाँडोभन्दा चाँडो सञ्चालन गर्नुपर्ने र विद्यालयमा कुनैकिसिमको राजनीति नहोस् भन्ने माग राख्दै विद्यालय तालाबन्दी गरेका थिए ।
विद्यालयले लामो समयसम्म अग्रेंजी शिक्षक अभावका कारणले पढाई प्रभावित भएको भन्दै विद्यार्थीदेखी विद्यालय व्यवस्थापन समितिसम्म र समुदाय समेतले अग्रेंजी शिक्षक अभावले पढाइमा बेवास्ता गरेको र विद्यालय सञ्चालन भएको १० महिना बितिसक्दा पनि अग्रेंजी विषयको पढाई नभएको भन्दै आफूहरुले विद्यालयमा तलाबन्दी गरेको मुकेश मेहताले जानकारी दिए ।
कक्षा ७ का विद्यार्थीले पटकपटक विद्यालयमा पढाई निरन्तरताका लागि अनुरोध गरे पनि अग्रेंजी शिक्षक नभएको प्रतिकृया र विद्यालय प्रशासनले गाउँपापिलकासंग माग गर्दा विषयगत शिक्ष पठाउनमा बेवास्ता गरेर सामाजिक विषयको शिक्षक मनोज पोखरेललाई पठाएकाले हाजिरि गराउन नहुने भन्दै तालाबन्दी गरेको अभिभावक र विद्यार्थीको भनाई छ ।
पटकपटक शिक्षा शाखा र गाउँपालिका कार्यालयले अटेरी गरेपछि मंगलबार मध्यानदेखि रामनारायण मेहताको संयोजकत्वमा तालाबन्दी गरिएको छ । विद्यालयको कार्यालयमा तालाबन्दी भएपनि विद्यार्थीको पढाईमा कुनै प्रभावित नहुने जनाइएको छ ।
विद्यालय व्यवस्थापन समितिका अध्यक्ष राजाराम मेहता, शिक्षक अभिभावक संघका अध्यक्ष सहादन मंसुरी सहित उपस्थितीमा तालबन्दी गरेको थियो ।
त्यस्तै भोक्राहा नरसिंह गाउँपालिका अध्यक्ष अजमल अख्तर आजादले पालिका भित्रको शैक्षिक सुधारका लागि आन्तरिक रुपममा शिक्षकहरुको स्थान्तरण गरेको जानकारी दिए । विद्यलयमा विषयगत शिक्षकको पहल जारी रहेको र तत्काल सामाजि शिक्षकलाई मात्रै पठाएको उनले जानकारी दिए ।
