मिटरब्याजीपीडितको समस्या समाधान गर्न सरकार गम्भीर होस् : सांसद बेलवासे
साझा परिवेश
आइतवार, चैत्र १२, २०७९ १६:0१
काठमाडौं । राष्ट्रियसभा सदस्य गंगाकुमारी बेलवासेले मिटरब्याजीपीडितको समस्या समाधान गर्न सरकारसँग आग्रह गरेकी छन् । आइतबारको राष्ट्रियसभा बैठकमा उनले यस्तो माग गरेकी हुन् ।
उनले अहिले देशभर नै मिटरब्याजपीडितको समस्या बढ्दै गएको भन्दै सरकारले गम्भीर बन्नुपर्नेमा जोड दिइन् । “एउटा दुःखलाग्दो आन्दोलन छ, मिटरब्याजी संघर्ष समितिको आन्दोलन । करिब २० वर्षयता मिटरब्याजमा पैसा लगाउनेहरू र घर खर्च चलाउन महँगो ब्याजदरमा ऋण लिनेहरूबीचको संघर्ष २० वर्ष वरपर पुगेको छ,” उनले भनिन्, “उहाँहरूले विषय उठाउनुभएको छ । उहाँहरू तीन तहको सरकारमा पुग्नुभएको छ । तर पनि मिटरब्याजीहरू उहाँहरूलाई नै दुःख दिने किसिमले आइरहेका छन् ।”
सांसद बेलवासेले हरेक तहमा पुगेर मिटरब्याजीपीडितले समस्या सुनाए पनि समस्या समाधान हुन नसकेको बताइन् ।
