काठमाडौं उपत्यकाका मेयरहरुको साझा संगठन काठमाडौं उपत्यका मेयर फोरमको नेतृत्वमा ललितपुर महानगरका मेयर चिरीबाबु महर्जन आएका छन्।
काठमाडौं महानगरका मेयर बालेन्द्र साहले नेतृत्वमा दावी गरे पनि सहमती जुट्न नसक्दा साहले नेतृत्व पाउन सकेनन्। मेयर फोरमको बिहीबार र शुक्रबार बसेको बैठकबाट महर्जन अध्यक्षमा चुनिएका हुन्। यस्तै, महासचिव चन्द्रागिरी नगरपालिकाका मेयर घनश्याम गिरी भएका छन्।
काठमाडौं उपत्यकाको मेयर फोरममा १८ वटा पालिका आवद्ध छ। यसअघि काठमाडौं महानगरका तत्कालीन मेयर विद्यासुन्दर शाक्य काठमाडौं उपत्यकामा मेयर फोरमको अध्यक्षमा चुनिएका थिए।
सोही आधारमा साह आफू नेतृत्वमा आउनुपर्ने दावी गर्दै आए पनि उनले नेतृत्व पाएनन्। साहलाई उपाध्यक्षमा बस्न आग्रह गरिएको थियो। तर, सो पद साहले स्विकारेनन्। फोरको बैठकमा सहभागी एक अधिकारीले साहको भनाइ उद्धृत गर्दै अन्नपूर्णसँग भने, ‘नेतृत्व नदिने भए मलाई सदस्यमा राखिदिनुस्।’
