काठमाडौं । वैशाख १० को उपनिर्वाचनका लागि दलहरुको दौडधुप तीव्र छ । चितवन, बारा र तनहुँका लागि दलहरुले चुनाव लक्षित कमाण्डर खटाएका छन् ।
निर्वाचन लक्षीत सभा सम्मेलनले तीव्रता पाउँदा निर्वाचन प्रचारकहरु आफ्नो जित सुनिश्चित रहेको दावी पनि गरिरहेका छन् । यसले उपनिर्वाचनलाई थप रोचक बनाउँदै लगेको छ ।
आउँदो उपनिर्वाचनका लागि राष्ट्रि«य स्वतन्त्र पार्टीका सभापति रवि लामिछाने उम्मेदवार रहेको चितवन २ को चर्चा बढीनै छ ।
उम्मेदवार र नेताहरुका दिनहुँका नयाँ–नयाँ हरकतले यो क्षेत्रको चर्चा दिनहुँ हुनेगर्छ ।
नेताहरुबिच आरोप प्रत्यारोपको श्रृङ्खला समेत चर्को छ । यसैक्रममा शनिवार नेकपा एमालेका नेता महेश बस्नेतले रवि लामिछाने पराजित हुने दाबी गरेका छन् । लामिछानेको नक्कली राष्ट्रवाद र अवसरवाद बुझेकाले चितवन–२ का जनताले निर्वाचनमा हराउने नेता बस्नेतको जिकिर गरे ।
नेपाली कांग्रेसको आन्तरिक खिचातानीले तनहूँलाई थप रोमाञ्चक बनाउँदै लगेको छ ।
तनहुँ कांग्रेसका गोविन्दराज जोशी समुहले रास्वपाका उम्मेदवार डा. स्वर्णिम वाग्लेलाई समर्थन गरेपछि कांग्रेस निराश बनेको छ । कांग्रेसी मत विभाजन र रास्वपा कांग्रेस लडाईँको फाइदा एमालेलाई पुग्ने हो कि भन्ने आशा एमाले पंक्तिमा पलाएको छ ।
कांग्रेस परित्याग गरेर रास्वपाबाट उम्मेदवारी दिएका डा. वाग्ले भर्सेस कांग्रेस उम्मेदवार गोविन्द भट्टराईको लडाईँमा नेकपा एमालेले सकारात्मकता देखेको छ । मतपरिणामको हिसाबले सबैभन्दा प्रतिस्पर्धात्मक तनहुँ १ बनेको छ ।
यता बारा २ को उपनिर्वाचनमा जसपा अध्यक्ष उपेन्द्र यादवलाई पराजित गर्न जनमत अध्यक्ष डा. सिके राउतको हरसम्भव प्रयास जारी छ । तर शनिबारमात्र तिनवटै क्षेत्रमा गठबन्धनकै उम्मेदवारलाई विजयी गराउने सहमति सत्ता गठबन्धनमा बनेको छ ।
कांग्रेस माओवादी इमानदार भए उपेन्द्र यादवको पल्ला भारी हुने देखिएको छ ।
अर्कोतर्फ शनिवारनै डा. सिके राउतले कांग्रेसको साथ आफुलाई हुने संकेत गरेका छन् । उपनिर्वाचन र मधेश प्रदेशको भावी मुख्यमन्त्रीमा कांग्रेससँग सहमति भएको संकेत राउतको छ । राष्ट्रि«य स्वतन्त्र पार्टीका उम्मेदवार रमेश खरेलले पनि आफ्नो सशक्त दावी रहने अभिव्यक्ति दिँदै आएका छन् ।
तीन निर्वाचन क्षेत्रको माहोल रोमाञ्चक बन्दै गएको छ । खासगरी केहि दिनअघिको टेलिफोन संवादको अडियो प्रकरणका कारण राष्ट्रि«य स्वतन्त्र पार्टीको माहोल केहि कमजोर बनेको हो कि भन्ने आशंका पनि देखिएको छ । तर यसलाई भ्रामक बताउने गरेका छन् ।
तिनवटै क्षेत्रमा आफ्नो पकड बलियो रहेको दावी रास्वपा सभापति लामिछानेले बताउने गरेका छन् ।
चितवनमा लामिछानेलाई स्वयं आफ्नो मत रक्षा गर्ने चुनौती, तनहुँमा त्रिपक्षीय भिडन्त र बारामा उपेन्द्र भर्सेस सीके राउतको जुँगाको लडाईँले आउँदो उपनिर्वाचनलाई थप रोमाञ्चक बनाएको छ ।
