पाथिभरा क्षेत्रमा बेपत्ता भएका झापाका पराजुली मृत फेला ताप्लेजुङ
साझा परिवेश
मङ्लबार, बैशाख २६, २०८० २२:३२
गणेश कुमार श्रेष्ठ ।। ताप्लेजुङ्ग । ।
पाथिभरा दर्शनका लागि जाने क्रममा गत शुक्रबार बेपत्ता भएका अर्जुनधारा झापाका लोक प्रसाद पराजुली माथिल्लो फेदी भन्दा माथिको जंगलमा मृत अवस्थामा फेला परेका छन् । ६० वर्षिय पराजुली आज विहान सो स्थानमा मृत अवस्थामा फेला परेको जिल्ला प्रहरी कार्यालय ताप्लेजुङले जनाएको छ । प्रहरीका अनुसार गत शुक्रवार माथिल्लो फेदीबाट मन्दिर जाँदै गर्दा बीचबाटोमा पिसाब फेर्न भन्दै जंगलतिर गएका पराजुली सोही समयदेखि बेपत्ता भएका थिए । भरियासँगै गएका पराजुली लामो समयसम्म पनि नफर्किए पछि आफन्त र प्रहरीलाई खवर गरिएको थियो ।
निजका आफन्त, प्रहरी र स्थानियको टोलीले खोजी गर्ने क्रममा मृत अवस्थामा फेला परेको र कानुनी प्रकृया पुरा गरी शब सदरमुकाम ल्याउने तयारी भईरहेको प्रहरीले जनाएको छ । घटनाबारे थप अनुसन्धान भई रहेको समेत जिल्ला प्रहरी कार्यालयले जनाएको छ । झापाबाट श्रीमती, छोरा–बुहारी, नातिनी र आफन्तसहित पाथिभरा माताको दर्शन गर्न आउनु भएको जनाइएको छ ।
