WordPress database error: [Disk full (/tmp/#sql-temptable-49a-7c4587-3fe55.MAI); waiting for someone to free some space... (errno: 28 "No space left on device")] SHOW FULL COLUMNS FROM `wp_postmeta`
काठमाडौं जिल्ला अदालतले कपनमा एक महिनाअघि भएको हत्याकान्डका आरोपी विनोद विश्वकर्मालाई पुर्पक्षका लागि थुनामा पठाउने आदेश दिएको छ ।
अदालतका न्यायाधिश चन्द्रप्रकाश तिवारीले शुक्रबार थुनछेक आदेश गर्दै उनलाई थुनामा पठाएको हो ।
सरकारी वकिल कार्यालयले विनोदविरुद्ध जिवनभर कैदमा राख्न माग गर्दै बुधबार अभियोग पत्र दर्ता गरेको थियो ।
यो घटनामा विनोदले हत्यापछि लुटेको सिक्री किनेको आरोपमा पक्राउ परेका प्रदिप गदाइलीलाई भने धरौटीमा छाड्ने आदेश भएको छ । वैशाख ७ गते निरा आचार्य(निरु) आफ्नै भाँडा पसलभित्र सख्त घाइते अवस्थामा भेटिएकी थिइन् । उनको उपचारका क्रममा सोही दिन मृत्यु भएको थियो ।
घटनाको ९ दिनपछि प्रहरीले ३६ वर्षीय विनोदलाई झापाको बिर्तामोडबाट पक्राउ गरेको थियो । उनी धुलाबारी निवासी हुन् ।
विनोदले आफू आर्थिक संकटमा रहेका कारण बाटोमा हिँड्दै गर्दा पसलभित्र एक्लै देखेकाले लुटपाट गर्ने उद्देश्यले निराको हत्या गरेको बयान सरकारी वकिललाई दिएका थिए । निराको शरिरमा २० भन्दा बढी चोट देखिएको थियो ।
