तराईका पाँच जिल्ला -झापा, मोरङ, बर्दिया, कैलाली र कञ्चनपुर जोखिममा
तराईका सुनसरी, सप्तरी, सिरहा, धनुषा, महोत्तरी, सर्लाही, रौतहट, बारा, पर्सा, चितवन, नवलपरासी (दुवै), रुपन्देही, कपिलवस्तु, दाङ र बाँके पनि जोखिममै
जल तथा मौसम विज्ञान विभागअन्तर्गतको मौसम पूर्वानुमान महाशाखाले अझै केही दिन ‘लू’ (तातो हावा) चल्न सक्ने भन्दै सतर्कताका लागि आग्रह गरेको छ । देशका विभिन्न जिल्लामा ‘लू’को जोखिममा रहेको महाशाखाले जनाएको छ । काठमाडौं उपत्यकामा पनि तापक्रम बढिरहेको छ । अधिकांश तराईका जिल्लाहरूमा अधिकतम तापक्रम ४० डिग्री सेल्सियसभन्दा माथि मापन गरिएको महाशाखाले जनाएको छ।
हाल तल्लो र उपल्लो वायुमण्डलको अध्ययन तथा विश्लेषण गर्दा अझै केही दिन वर्षाको सम्भावना नदेखिएका कारण तापक्रम बढ्न सक्ने सम्भावना रहेको महाशाखाले जनाएको छ । बढ्ने क्रममा गर्मी, आज ४२.२ डिग्री सेल्सियससम्म पुग्ने सम्भावना महाशाखाले ‘लू’को जोखिममा रहेका जिल्लाहरूलाई तत्काल ‘एक्सन’ लिनुपर्ने, तयारी अवस्थामा रहनुपर्ने, तापक्रमबारे अपडेट भइरहनुपर्ने र जोखिम नरहेका गरी चार वर्गमा विभाजित गरेको छ ।
काठमाडौं उपत्यकाका तीनै जिल्लालाई ‘लू’को जोखिममा रहेका र तापक्रमबारे अपडेट भइरहनुपर्ने वर्गमा राखिएको छ । तराईका पाँच जिल्ला -झापा, मोरङ, बर्दिया, कैलाली र कञ्चनपुरलाई पनि यही वर्गमा राखिएको छ । यस्तै, तराईका सुनसरी, सप्तरी, सिरहा, धनुषा, महोत्तरी, सर्लाही, रौतहट, बारा, पर्सा, चितवन, नवलपरासी (दुवै), रुपन्देही, कपिलवस्तु, दाङ र बाँकेलाई तुरुन्तै एक्सन लिनुपर्ने जोखिममा रहेका जिल्लामा राखिएको छ ।
पहाडी जिल्लाहरू, उपत्यका र खोचहरूमा समेत तापक्रम क्रमिक रूपमा बढ्ने सम्भावना रहेकाले मौसमसम्बन्धी सूचना तथा पूर्वानुमानबारे अपडेट रहिरहन महाशाखाले आग्रह गरेको छ ।
