प्रतिनिधिसभामा विनियोजन विधेयकमाथि छलफल भइरहेको छ ।
प्रदेशको नाम १-२-३
सच्याउन माग
पुस्तकको पेज जम्बर ११ देखि १८ सम्म
प्रदेशको नामको सट्टा अंक
उड्ययन मन्त्रालयलाई कार्यसूचीबाट नै हटाइयो
आइतबार संघीय मामिला तथा सामान्य प्रशासन, संस्कृति पर्यटन तथा नागरिक उड्ययन र स्वास्थ्य तथा जनसंख्या मन्त्रालयसबन्धी विनियोजन शीर्षकमाथि छलफल गर्ने कार्यसूची थियो । तर प्रदेशको नाम उल्लेख नगरेका कारण पर्यटन मन्त्रालयको विनियोजन शीर्षकमाथि छलफल हुन सकेन ।
मन्त्रालयगत योजना समावेश भएको पुस्तकमा प्रदेशको नामको सट्टा १-२-३ भनेर उल्लेख गरिएको थियो । एमाले सचेतक महेश बर्तौलाले यसमा नियमापत्ति गरे । मन्त्रालयगत योजना समावेश भएको पुस्तकमा उल्लेख भएको प्रदेश १-२-३ ‘ लाई आफूहरुले नचिन्ने भन्दै सच्याउन माग गरेका थिए ।
लगतै पर्यटनमन्त्री सुदन किराँतीले पुस्तकको पेज जम्बर ११ देखि १८ सम्म प्रदेशको नामको सट्टा अंक उल्लेख भएकाले सच्याएर ल्याउने बताए । लगतै सभामुखले मन्त्रीले सच्याएर ल्याउने प्रतिवद्धता जनाएको भन्दै अंकको ठाउँमा नाम मानेर मन्त्रालयगत छलफल अघि बढाउन आग्रह गरे ।
तर एमालेले मानेन । एमाले सचेतक बर्तौलाले कुस राखेजसरी मान्न नसकिने भन्दै सच्याएर नल्याएसम्म छलफल हुन नसक्ने बताए । त्यसपछि सभामुखले संस्कृति पर्यटन तथा नागरिक उड्ययन मन्त्रालयलाई कार्यसूचीबाट हटाए ।
