स्नातकोत्तर उत्तीर्ण हुनेलाई मात्र रास्वपाको केन्द्रीय विभागमा राख्ने
साझा परिवेश
शुक्रबार, साउन १९, २०८० १0:४१
राष्ट्रिय स्वतन्त्र पार्टीको विभागमा काम गर्नको लागी स्नातकोत्तर उत्तीर्ण हुनुपर्ने
विभाग अनुसारको क्षेत्रमा कम्तीमा १० वर्ष अनुभव भएको हुनुपर्ने
स्नातक उत्तीर्ण नभए ५ वर्षको अनुभव वा असाधारण क्षमता भएको हुनुपर्ने
काठमाडौं ।।
राष्ट्रिय स्वतन्त्र पार्टीले केन्द्रीय विभागका पदाधिकारी, सदस्य र प्रदेश समितिका प्रमुखका लागि स्नातकोत्तर उत्तीर्ण हुनुपर्ने योग्यता तोकेको छ ।बिहीबार बसेको केन्द्रीय समिति बैठकले ती पदका लागि स्नातकोत्तर उत्तीर्ण हुनुपर्ने वा सम्बन्धित विभाग अनुसारको क्षेत्रमा कम्तीमा १० वर्ष अनुभव भएको वा असाधारण क्षमता भएको हुनुपर्ने योग्यता तोकेको हो ।
पार्टी महामन्त्री मुकुल ढकालका अनुसार प्रदेश समितिका पदाधिकारी र सदस्यको लागि स्नातक उत्तीर्ण हुनुपर्ने मापदण्ड बनाइएको छ । त्यस्तै स्नातक उत्तीर्ण नभए सम्बन्धित विभाग अनुसारको क्षेत्रमा ५ वर्षको अनुभव वा असाधारण क्षमता भएको हुनुपर्ने मापदण्ड बनाइएको छ ।
स्थानीय तहका विभाग प्रमुखका लागि कम्तीमा कक्षा १२ उत्तीर्ण वा विभाग अनुसारको क्षेत्रमा दुईवर्षे अनुभव वा असाधारण क्षमता हुनुपर्ने मापदण्ड बनाइएको महामन्त्री ढकालले बताए ।
