लेखा समितिलाई मैनालीले प्रश्न : संसदको कार्यक्रम किन स्टार होटलमै हुन्छ ?
साझा परिवेश
मङ्लबार, भदौ १९, २०८० १३:५0
होटलमा कार्यक्रम गर्ने गरेको भन्दै प्रतिनिधि सभाको सार्वजनिक लेखा समितिमा प्रश्न
संसदले कार्यक्रम गर्दा किन स्टार होटलमै राख्ने ?’ मैनालीले प्रश्न गरे
काठमाडौं ।।
संघीय संसद सचिवालयले होटलमा कार्यक्रम गर्ने गरेको भन्दै प्रतिनिधि सभाको सार्वजनिक लेखा समितिमा प्रश्न उठेको छ । सरकारले खर्चमा मितव्ययीता कायम गर्ने भनेको र त्यसअनुसार नीति निर्माण गर्ने भनिरहेको बेला संसद सचिवालयले नै स्टार होटलमा कार्यक्रम राख्ने गरेको भन्दै एमाले सांसद अच्युतप्रसाद मैनालीले प्रश्न उठाएका हुन् ।
लेखा समितिको आजको बैठकमा मैनालीले भने, ‘संसद सचिवालयको आयोजनामा बसेरामा आजै मात्र कार्यक्रम छ । संसदले कार्यक्रम गर्दा किन स्टार होटलमै राख्ने ?’ मैनालीले प्रश्न गरे । मैनालीले आज पनि होटलमा कार्यक्रम रहेको भने पनि त्यसबारे विस्तृत बताएनन् । संसद सचिवालयले संसद बाहिर कार्यक्रम राख्दा होटलमा राख्ने गरेको छ ।
