गरगहना किन्ने बहानामा चोरी गरेको आरोपमा चारजना पक्राउ
काठमाडौंको माछापोखरी बस्ने ३७ वर्षीय हनुमन्त फाँडेलाई समाइयो
चोरीमा संलग्न रत्न र सुमन गत शुक्रबार पक्राउ परे
काठमाडौं ।।
सुनका गरगहना किन्ने बहानामा चोरी गरेको आरोपमा चारजना पक्राउ परेका छन् । पक्राउ पर्नेहरूमा काठमाडौंको तारकेश्वर नगरपालिका–९ घर भइ ढुंगेधारा बस्ने ३३ वर्षीया रत्न महर्जन, तार्केश्वर नगरपालिका–४, पुरानो गुहेश्वरी बस्ने २२ वर्षीय सुमन पुतुवार, नुवाकोटको बेलकोटगढी नगरपालिका–७ का ३६ वर्षीय वीरेन्द्र विक र भारतको महाराष्ट्र घर भइ काठमाडौंको माछापोखरी बस्ने ३७ वर्षीय हनुमन्त फाँडे रहेका छन् ।
हरीका अनुसार काठमाडौं उपत्यकाका विभिन्न सातभन्दा बढी स्थानहरूमा स्कुटरको प्रयोग गरी सुन पसलमा गई सुनका गरगहना किन्ने बहानामा चोरी गर्ने गरिएको भेटिएको छ । घटना अनुसन्धानको क्रममा काठमाडौं उपत्यका अपराध अनुसन्धान कार्यालय मीनभवनबाट खटिएको प्रहरीले चोरीमा संलग्न रत्न र सुमनलाई गत शुक्रबार पक्राउ गरेको थियो । थप अनुसन्धानको क्रममा अन्य दुई जनालाई सोमबार पक्राउ गरेको हो । उनीहरूमध्ये रत्न चोरी गर्ने, सुमन स्कुटर चालक र रिद गर्ने व्यक्ति रहेको खुल्न आएको छ । उनीहरूलाई थप अनुसन्धानका लागि जिल्ला प्रहरी परिसर काठमाडौं पठाइएको जनाइएको छ ।
