राजनिती र समसामयिक परिस्थिती ; के ब्यवस्था नै परिवर्तन गर्नुपर्छ ?

बिचार लेखक : दिपेश शर्मा ( झापा )

बर्तमान अबस्थामा अहिले ब्यबस्था परिबर्तन गरौ , गणतन्त्रले मुलकलाई केहि दिएन ,आम जनमनासमा निराशा , क्रोध , दण्डहिनता , या उपद्रोमात्र फैलायो भन्ने छ । यस्को मुख्य कारण भनेको नै राजनितिक दलका शिर्ष नेताहरुको ब्यबहारमा आएको बिचलन, बोलीमा आएको उदण्डता र उग्रपन, नियतमा खोट, सोचमा लाग्दै गएको खिया , बुडौली पनको कारण शारिरिक र मानसिक रुपमा आएको कमजोरीपन र बड्दै गएको धनको संचती र तस्लाई लुकाउन परेको सकसले गर्दा नै हो ।

आज एमाले अध्यक्षले भनेको सुन्दै थिए ब्यबस्था खराब हुदैन ब्यक्ती खराब हुन्छ, ब्यबस्थालाई दोष दिन मिल्दैन । यस्तै आसयका अन्य राजनितिक दलका केहि नेताहरुको पनि भनाई आई रहेको छ । त्यसमा म पनि पुर्ण रुपले सहमत छु । रोगलाई उन्मुलन गरे निरोगी हुन सकिन्छ सत्य हो तर रोग फैलने बाताबरण हामी आफु बनाउछौ र भन्छौ म निरोगी बनाउछु । यस्मा नियत खराब देखिदैन र ??
यिनै नेताले भन्दै थिए हामी २ तिहाई लिएर सत्तामा पुगेपछि देशका मुहार फेर्छौ । उनीहरुको भाषणको केहि अशं छोटकरीमा राख्न चाहे ” हाबा बाट बिजुली , पानी जहाज, भान्साको भित्तामा एउटा टोक्रो नझिक्नु होला सिलिन्डर होईन फिटिक थिच्ने , समुन्द्र कुनै देशको हुदैन सबैको हो नेपाली जहाज समुन्द्रमा ,पोखरा रेल, बेनी कुशवा त सुन्नु नै भएको होला । यस्मा पनि हामीले ताली नै बजायौ अलिक चाही गफ दिए तै पनि आधि चाही गर्लान भनेर तर दम्भ राजनैतिक सहमतिमा धोका , पार्टीका सहयात्रीहरुको ब्यबहार र नैतिकतामा देखिएको बिचलनले दुईचालक भएको बिमान दुर्धटनामा गयो ।

अर्का छन जनयुद्दका नायक हाम्रा प्रचण्ड बा, भित्ते राष्ट्रिपति दक्षिण एसियाको धनि देश बनाउछु भन्थे हामीले पनि पत्यायौ । केहि गर्छन जगंलबाट गरिबी धरातलबाट माटो र रगत सगं जनताका मुक्तीको रोजेको ब्यक्ती हुन सायद यिनले गर्छन भनेर आस थियो तर यिनले देश भनेको यिनले परिबार नातागोता लाई बुझेका रहेछन । सायद कुनै खलक बाकी छैनन होला जस्ले राजनितिक नियुक्ती पाएर देशको सेवा नगरेको होस । यिनको सम्पति प्रत्यक्ष रुपमा त २ कठ्ठा जमिन र २ तोला सुन नै होला तर पत्याउनुहोस नपत्याउनु होस अप्रत्यक्ष रुपमा यिनी दक्षिण एसिया कै धनी ब्यक्ती हुन ।

अर्का छन काङ्ग्रेसका बा । ति बा सार्है ज्ञानी छन तिनलाई अरु कोही चाहिदैन बश आरजु भाउजु हुनु पर्यो। तिनले के बोलेको तिनै भाउजुले मात्र बुझ्छिन र के बोल्ने बो त्यो पनि तिनै भाउजुले सिकाउछिन । अब अरुकेहि भनिरहनु नै परेन होला सार्है सजिलो छ यिन को परिचय ।

गणतन्त्रको खाका कोर्ने यिनै हौईनन र ?? एकजना गिरिजा प्रसाद कोईराला जो हाल यस धर्तीमा हुनु हुनुहुन्न उहाको बारेमा केहि बोल्न चाहिन मृत्य आत्माले चिरशान्ती पाओस । पाप र पुन्य हेर्न त्यहाका न्यायधिसलाई नै जिम्मा दिउ ।

यि सबै पात्र हरु नै खराब भए पछि यिनले ल्याएको ब्यबस्था सहि होला त ??? ब्यक्ति सहि भए पो ब्यबस्था सहि हुन्थियो त । अनि यिनको हारगुहार के छ भन्ने ब्यक्ती खराब ल ब्यक्ति खराब भए सचिने लाई कति बर्ष लाग्ने हो ? ३५-४० बर्ष त सचिदा सचिदा सक्यो त । फेरि जबानीमा सचिएर बुडेशकालमा बिग्रेकाहरु कहिले सुध्रेलान त ???
पहिला असन्तुष्टि नै देशको ब्यबस्था प्रति हुदै हौईन आम नागरिकको शिर्ष राजनितिक दलका शिर्ष ब्यक्ती नै असन्तुष्ट को कारक हुन ।

यिनले राजनितिबाट सन्यास लिउन त , दोस्रो तहलाई जिम्मा दिएर अभिभावक भुमिका निर्बाह गरुन त । ब्यबस्था प्रति कसैले बोल्दै बोल्दैन यि नया भनिएका बालेन , हर्क, हमाल, रबि, अहिले दुर्गा यि आफै रहरले राजनितीमा आएका नै हौईनन यिनलाई जबरजस्ती आउन बाध्य पारिएको हो ।
यस्तै होनाहार कति बिदेश गए बाध्यताको कारणले , कति जादै छन भोक को कारणले, नेता पनि गई रहन्छन कामले होइन घुम्न र उपचार गर्न, परिबार सहित अझ भत्ता पनि राज्यको त्यो पनि रु मा हौईन डलरमा पाउँछन् ।
अझै आफु नै भन्छन पार्टीका केहि नेता खराब छन भनेर पुरा पार्टीलाई दोष दिनमिल्दैन रे। मेरो बिचारमा त तिमीहरु खराब हौ पार्टीका अन्य नेता हौईन नत्र पार्टी खराब नेतालाई कार्बाही गर । संरक्षण किन गर्छौ ? निर्देशन दिनु पर्ने ठाउमा बसेर तिनै खराब नेताको निर्देशन किन स्बिकार गर्छौ ?

आजको राजनितिक समस्या भनेको नै राजनितिक दलका शिर्ष नेताहरु नै हुन । ४-५ जना तिनलाई परिबर्तन गरौ राष्ट्रपति सहित । त्यसपछि ब्यबस्था परिबर्तन गर्नु नै पर्दैन । तिनका निर्णयहरु परिबर्तन गरौ । अदालत र अन्य सबैधानिक निकायमा राजनितिक आस्थामा पदाशिन रहेका ब्यक्ति परिबर्तन गरौ । केहि जटिल बिषयहरु लाई जनमत सग्रहबाट निर्णय गरौ, प्रदेश सरकार खारेज गरौ, प्रत्यक्ष निर्बाचित प्रधानमन्त्रीको ब्यबस्था गरौ । यति गरे ५-१० बर्ष स्थिर सरकार रहन्छ र त्यस पछि मुलुकले सहि दिशा निर्देश गर्न सक्ला कि ?

• संसद विघटन