पक्राउ परेकाको रिहाईको माग गदैं दमकमा पहिचानवादीहरुले गरे चक्काजाम

प्रहरीद्धारा पक्राउ परेका आफना नेता तथा कार्यकर्ताहरुको रिहाईको माग गदैं दमकमा आज पहिचानवादीहरुले यातायात ठप्प पारेका छन् ।पूर्वपश्चिम राजमार्गको दमकको मुख्य चौंकमा भेला भएका पहिचानवादीहरुले सडक अवरोध गरि प्रर्दशन गरेका हुन् ।

प्रर्दशनका क्रममा प्रर्दशनकारीहरुले प्रहरीद्धारा पक्राउ परेका नेपाल आदिवासी जनजाति महासंघ झापाका अध्यक्ष पाण्डव चौधरीसहितका सवै पहिचानवादीहरुलाई रिहाईको माग गदैं एक घण्टा लामो चक्काजाम गरिएको प्रदेश १ पुनः नामाङ्गकन संघर्ष समिति दमकका संयोजक देवेन्द्र चेम्जोङ्गले बताए । उनीहरुले दमक चौंकमा नारावाजी गरि विरोध रयाली निकालेको थियो ।

चक्काजामका कारण राजमार्गमा लामो तथा छोटो दुरीमा चल्ने सवारी साधानहरु ठप्प रहेको थियो ।

पाँच वन्दकर्ता रिहा

झापाको केर्खावाट प्रहरीद्धारा पक्राउ गरेका पाँच जना सवै रिहा भएका छन् ।रिहा हुनेमा ईलाम चुलाचुली गाउँपालिका १ का वडाअध्यक्ष ध्रुव लावतीसहित शिवसताक्षी नगरपालिका–७ का उदय सिंगु लिम्बू, नेपाल तामाङ घेदुङ संघ प्रदेश सदस्य जसकुमार तामाङ , संघीय लिम्बुवान चुलाचुलीका अध्यक्ष नरेन्द्र लिम्बू र किरात राई विद्यार्थी संघ झापाका अध्यक्ष मिलन राई रहेका छन् । वडाअध्यक्ष लावती आन्दोलनरत संघीय लोकतान्त्रिक मञ्च नेपालका कार्यकर्ता हुन् । पक्राउ परेका पहिचानवादीहरुको रिहाईको माग गदैं उनीहरुलाई शनिवार केर्खाबाट पक्राउ गरि इलाका प्रहरी कार्यालय दमकमा राखिएको थियो ।

पक्राउ परेका उनीहरुलाई साँझ छाडिएको जिल्ला प्रहरी कार्यालय झापामा प्रवक्ता खगेन्द्र प्रसाद रिजालले जानकारी दिए ।

• संसद विघटन