हिमालयन रिइन्स्योरेन्सको आईपीओ भर्नेलाई ३० कित्ता र भाग्यमानीलाई ४० कित्ता पर्यो

• हिमालयन रिइन्स्योरेन्सको प्राथमिक सेयर (आईपीओ) आज (बुधबार) बाँडफाँट भयो 
• कम्पनीको आईपीओ ३० कित्तासम्म भर्ने सबैले पाए
• थप १० कित्ता गरी ४० कित्ता ९६ हजार ५३८ जना भाग्यशाली लगानीकर्तालाई पर्यो 

काठमाडौं ।।

हिमालयन रिइन्स्योरेन्सको प्राथमिक सेयर (आईपीओ) आज (बुधबार) बाँडफाँट भएको छ । कम्पनीको आईपीओ बिहान १० बजे बालुवाटारस्थित ताज रिसेप्सनमा बाँडफाँट भएको हो । कम्पनीको आईपीओ ३० कित्तासम्म भर्ने सबैले पाएका छन् । त्यस्तै थप १० कित्ता गरी ४० कित्ता ९६ हजार ५३८ जना भाग्यशाली लगानीकर्तालाई परेको छ ।

कम्पनीको आईपीओमा १५ लाख ७३ हजार ४९० जनाले आवेदन दिएका थिए । तर, आठ हजार ६५५ जनाको आवेदन रद्द भएको थियो । १५ लाख ६४ हजार ५६४ जनाले १० कित्तादेखि ४० कित्तासम्म आईपीओ पाएका छन् । कम्पनीले गत मंसिर २७ गतेदेखि पुस २ गतेसम्म आईपीओ निष्कासन गरेको थियो ।

कम्पनीले प्रतिसेयर १०० रुपैयाँ अंकित मूल्यमा १०६ रुपैयाँ प्रिमियम थप गरी प्रतिकित्ता २०६ रुपैयाँमा दुई करोड ४९ लाख कित्ता आईपीओ सर्वसाधारणमा निष्कासन गरेको थियो । कम्पनीले निष्कासन गरेको आईपीओमा न्यूनतम १० कित्तादेखि अधिकतममा तीन लाख कित्ताका लागि आवेदन दिन सकिने व्यवस्था थियो ।

• संसद विघटन