प्रधानमन्त्री प्रचण्ड र एमाले अध्यक्ष ओलीबीच समसामयिक विषयमा छलफल
साझा परिवेश
शुक्रबार, कार्तिक १०, २०८० १७:४0
काठमाडाैं । प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबीच समसामयिक विषयमा छलफल भएको छ ।
प्रधानमन्त्री तथा मन्त्रिपरिषद्काे कार्यालय सिंहदरबारमा शुक्रबार भएकाे भेटवार्तामा उहाँहरुबीच देशकाे पछिल्लो राजनीतिक अवस्था, शान्ति प्रक्रियाका बाँकी काम पूरा गर्ने लगायत विषयमा छलफल भएको हो ।
भेटमा प्रधानमन्त्री प्रचण्ड र एमाले अध्यक्ष ओलीबीच संयुक्त राष्ट्रसंघका महासचिव एन्टोनियो गुटेरेस र कतारका राजा तमिम बिन हमाद अल थानीकाे नेपाल भ्रमण लगायत विषयमा कुराकानी भएको प्रधानमन्त्रीको सचिवालयले जनाएको छ । भेटमा प्रधानमन्त्री प्रचण्डले शान्ति प्रक्रियाका बाँकी काम टुंग्याउनका लागि सहयोग गर्न एमाले अध्यक्ष ओलीसमक्ष आग्रह गर्नुभएको थियो ।
संक्रमणकालीन न्यायसँग सम्बन्धित विधेयकका बारेमा पनि उहाँहरुबीच छलफल भएकाे बताइएकाे छ ।
