काठमाडौँ । साताको पहिलो कारोबार दिन आइतबार नेप्से सूचक ५ अंकले घटेको । नेपाल स्टक एक्सचेञ्जका अनुसार आइतबार नेप्से सूचक ५.३१ अंकले घट्दै २ हजार ६१.७० अंकमा झरेको हो ।
यस्तै सेन्सेटिभ इन्डेक्स समेत आज ०.६० अंकले घट्दै ३७३.३२ अंकमा झरेको नेप्सेले जनाएको छ ।
१३ वटा उपसूचकमा आज बैंकिङ, होटल तथा पर्यटन, हाइड्रोपावर, जीवन बीमा, म्यानु एण्ड प्रो, माइक्रोफाइनान्स, म्युचुअल फन्ड, ट्रेडिङ र अन्य समूहको उपसूचक ऋणात्मक भएका छन् भने आज चारवटा उपसमूह डेभलपमेन्ट बैंक, फाइनान्स, इन्भेष्टमेन्ट र निर्जीवन बीमा समूहको उपसूचक झिनो अंकले बढेका छन् ।
यद्यपि, यस दिन ३ अर्ब २१ करोड ६७ लाख २७ हजार रुपैयाँ बराबरको ९२ लाख ७२ हजार कित्ता सेयर किनबेच भएको नेप्सेले जनाएको छ ।
आज युनियन नेपाल लघुवित्त वित्तीय संस्थाको सेयर मूल्य १० प्रतिशतले बढेको छ भने महिला लघुवित्त वित्तीय संस्थाको सेयर मूल्य ५.३७ प्रतिशतले घटेको छ ।
