१७ खर्बले नपुगेको भन्दै २२, २३ खर्बको बजेट ल्याउनु पर्ने सांसद आलेको भनाई
साझा परिवेश
सोमवार, चैत्र ५, २०८० १७:२४
नेकपा एकीकृत समाजवादीका सांसद प्रेमबहादुर आलेले नेपालको बजेट कम भएको बताएका छन् ।
उनले बजेटको आकार बढाउनुपर्ने बताएका हुन । सोमबार प्रतिनिधिसभा बैठकमा आर्थिक वर्ष २०८१ र ०८२ का लागि विनियोजन विधेयकका सिद्धान्त र प्राथमिकता कर प्रस्तावबाहेकका सम्बन्धमा जारी छलफलका क्रममा बोल्दै उनले यस्तो बताएका हुन् । जनताका आवश्यकता पूरा गर्न बजेटको आकार बढाउनुपर्ने बताउँदै उनले भने, “अब १७ खर्बले मात्रै हुँदैन । कम्तीमा २२,२३ खर्बको बजेट ल्याएर जनताका आवश्यकता पूरा गर्ने पूर्वाधार हुनुपर्छ । शिक्षा, स्वास्थ्यका कुरामा अर्थमन्त्रीले ध्यान दिने कुरामा विश्वास लिएको छु ।”
सिद्धान्त र प्राथमिकताभित्र रहेर बजेट निर्माण भएमा मात्र बजेट पूर्णरूपमा कार्यान्वयन हुने सांसद आलेको भनाइ छ ।
