युवराज रेग्मी
२५ जेष्ठ , गौरादह /
लागुऔषध प्रयोग एबम दुर्ब्यसन विरुद्ध निरन्तर अभियानमा रहेको सस्था गौरादह जेसीजले आज जेष्ठ २५ गते सुक्रबार गौरादहमा दुर्ब्यशन विरुद्ध रङ्गभर्ने कार्यक्रम ( चित्रकला प्रतियोगिता )सम्पन्न गरेको छ ।
गौरादह नगरपालिका वडा न.१ स्थित श्री जनता माध्यमिक बिद्यालयको हलमा गौरादह , कमल र गौरिगन्ज पालिका अन्तरगत रहेका २१ सामुदायिक एबम सस्थागत माबिका ४४ प्रतियोगीहरुले दुर्ब्यसन विरुद्ध रङ्गभर्दै सचेतनामुलक तस्बिर बनाउने प्रतियोगिता सम्पन्न भएको हो ।
पछिल्लो समय समाजमा ब्याप्त लागूऔषध दुर्ब्यशन प्रयोगकर्ताहरुको बड्दो अवस्थालाइ मध्यनजर गर्दै दुर्ब्यशन नियन्त्रणका निम्ति सचेतना जगाउने उध्येस्यले कार्यक्रम आयोजना गरिएको जेसीज अध्यक्ष खड्ग थापाले जनाए ।
कार्यक्रममा उत्कृष्ट ४ प्रतियोगिहरुलाइ नगद मेडल र प्रमाणपत्र सहित पुरस्कृत गरिएको कार्यक्रम संयोजक रिजेश खड्काले जानकारी दिए ।
प्रतियोगितामा गौरिगन्ज स्थित ज्ञानकुन्ज एकेडेमीका प्रत्युम अटल प्रथम बन्न सफल भए , उनले नगद रु २०००/- सहित प्रमाणपत्र र मेडल हातपारे । त्यसैगरी गौरादह स्थित स्कुलचौन मा बि कि निरुता श्रेष्ठले द्वितीय स्थान हासिल गरिन , उनले नगद रु १५००/- सहित प्रमाणपत्र र मेडल हातपारिन ।
त्यसैगरी गौरिगन्ज स्थित ज्ञानोदय आवासिय माबिकि स्मृति कार्की त्रितिय बन्न सफल भइन , उनले नगद रु १०००/- सहित प्रमाणपत्र र मेडल हातपारिन । त्यसैगरी गौरादह स्थित माउट एभरेस्ट माबिका अर्पन रोय सान्त्वना स्थान पाउन सफल भए उनले नगद रु ५००/- साथमा प्रमाणपत्र हातपार्न सफल भए ।
गौरादह नगरपालिकाका पुर्ब नगरप्रमुख रोहित कुमार साहको प्रमुख आथित्य एबम जेसीज अध्यक्ष खड्ग थापाको सभापतित्वमा आयोजित कार्यक्रमको निर्णायकमा कलाकार अभिशेख दास र मदन राजबंशी द्वय रहेको उक्त कार्यक्रम इन्जिनियर भानु आचार्यले सञ्चालन गरेका थिए ।
