तिनकुने प्रदर्शनमा ज्यान गुमाउने सुरेश र सबिनको परीवारलाई सरकारले १०–१० लाख दिने
साझा परिवेश
बुधबार, चैत्र २०, २०८१ १९:४४
तिनकुनेमा राजावादीको हिंसात्मक प्रदर्शनका क्रममा ज्यान गुमाएका सविन महर्जन र सुरेश रजकको परीवारलाई गृह मन्त्रालयले १०÷१० लाख रुपैयाँ दिने निर्णय गरेको छ ।
शुक्रबार भएको राजावादीको हिंसात्मक प्रदर्शनका क्रममाप्रहरीको गोली लागेर एक प्रदर्शनकारी सविन महर्जनको मृत्यु भएको थियो भने समाचार संकलनमा खटिएका पत्रकार सुरेश रजकको सोही प्रदर्शनका क्रममा भएको आगलागीमा परेर मृत्यु भएको थियो ।
उनिहरु दुबै जनाका परिवारलाई १०÷१० लाख रुपैयाँ दिने निर्णय भएको गृह मन्त्रालय स्रोतले जनाएको छ । सो रकम निकासाका लागि मन्त्रालयले अर्थलाई सिफारिस गरिसकेको छ ।
स्रोतका अनुसार मन्त्रालयले सञ्चारमाध्यमहरूमा आवश्यक सुरक्षाको प्रबन्ध गर्न प्रहरी प्रधान कार्यालयलाई निर्देशन पनि गृहले दिएको छ । सोहीअनुसार कार्यालयले आवश्यक तयारी समेत थालिसकेको छ ।
