कान्तिपुर अध्यक्ष सिरोहियाको स्वास्थ्यमा समस्या ,अस्पताल भर्ना
साझा परिवेश
शनिबार, जेष्ठ १२, २०८१ 0८:४७
जिल्ला प्रहरी कार्यालय धनुषाको हिरासतमा रहेका कान्तिपुर मिडिया ग्रुपका अध्यक्ष कैलाश सिरोहिया अस्पताल भर्ना भएका छन् ।
स्वास्थ्यमा समस्या देखिएपछि सिरोहियालाई जनकपुरस्थित काब्या अस्पतालमा भर्ना गरिएको हो । उच्च रक्तचाप, मुटुको चालमा उतारचढाव र टाउको दुखाइ बढेपछि उनलाई गयराति अस्पताल पुर्याइएको बताइएको छ ।
स्वास्थ्य अवस्था गम्भीर बन्दै गएपछि जनकपुरस्थित प्रादेशिक अस्पताल भर्ना गरिएका सिरोहियालाई प्रादेशिक अस्पतालमा न्युरोलोजी लगायतको परीक्षण सुविधा नभएपछि काव्या अस्पतालमा सारिएको छ ।
शुक्रबारमात्रै दोस्रोपटक जिल्ला अदालत धनुषाले सिरोहियालाई थप तीन दिन हिरासतमा राख्न प्रहरीलाई अनुमति दिएको थियो । नागरिकता सम्बन्धी कसुरमा प्रहरीले सिरोहियालाई गत मंगलबार काठमाडौंस्थित कान्तिपुर कार्यालयबाटै पक्राउ गरेको थियो ।
