देशभरबाट आएका शिक्षकहरू आन्दोलनमा फेरि काठमाडौ आन्दोलनमा होमिएका छन् । गत माघ २० गतेदेखि आन्दोलनमा रहेको महासंघले ‘काठमाडौं जाऔँ अभियान’ सहित आजदेखि काठमाडौ आएर अनिश्चितकालीन शैक्षिक आन्दोलन थालेका हुन् ।
नेपाल शिक्षक महासंघ राष्ट्रिय समितिले बुधबार माइतीघरदेखि बिजुलीबजारसम्म प्रदर्शन ¥यालीसहित विरोध प्रदर्शन गरेको छ । विगतका सबै सहमति सम्बोधन हुने गरी नयाँ विद्यालय शिक्षा ऐन जारी गर्न दबाब स्वरूप शिक्षकले विरोध प्रर्दशन गरेका हुन् ।
सयौँको संख्यामा रहेका शिक्षकहरूले आफ्नो माग पुरा गर्न सरकारले ढिलाइ गरेको भन्दै नाराबाजी गरेका छन् । वार्षिक परीक्षा सकाएर विगतमा भएका सम्झौता पालना गराउन माग गर्दै देशभरका शिक्षकहरूले अर्को चरणको आन्दोलन अन्तर्गत काठमाडौँ केन्द्रित आन्दोलन सुरु गरेका हुन् । अब हरेक दिन बिहान ११ बजेदेखि ४ बजेसम्म माइतीघर बानेश्वर सडक खण्डमा भेला भएर प्रदर्शन गर्ने कार्यक्रम रहेको आन्दोलनरत एक शिक्षकले बताएका छन् ।
