समानुपातिकमा माओवादी र रास्वपालाई हाराहारी मत, विवेकशील र राप्रपा नेपालकाे कन्तविजाेग
साझा परिवेश
आइतवार, मंसिर १८, २०७९ 0८:२८
समानुपातिकतर्फ अहिलेसम्म १ करोड ४ लाख २० हजार १ सय २५ मतगणना हुँदा नेकपा एमाले २७ लाख ८८ हजार ३ सय ५६ मतका साथ पहिलो स्थानमा छ । एमालेलाई पछ्याइरहेको नेपाली कांग्रेस २६ लाख ६० हजार २ सय ४६ मतका साथ दोस्रो स्थानमा छ ।
तेस्रोमा नेकपा माओवादी केन्द्र र नवजात राष्ट्रिय स्वतन्त्र पार्टीको मत हाराहारी छ । माओवादीले ११ लाख ६२ हजार १ सय २४ मत पाएको छ भने रास्वपाले ११ लाख २४ हजार ५ सय ४३ मत पाएको छ ।
राष्ट्रिय प्रजातन्त्र पार्टी ५ लाख ८६ हजार ६ सय ३८ मतका साथ पाँचौँ स्थानमा रहँदा जनता समाजवादी पार्टीले ४ लाख २० हजार ९ सय ४६ मत पाएको छ ।
सातौँ स्थानमा जनमत पार्टीले ३ लाख ९४ हजार ५ सय २३ पाउँदा नेकपा एकीकृत समाजवादी २ लाख ९४ हजार ३ सय ६२ मत पाएर आठौँ स्थानमा छ । नागरिक उन्मुक्ति पार्टीले २ लाख ७१ हजार ६ सय ६२ मत पाएको छ ।
लोकतान्त्रिक समाजवादी पार्टीले १ लाख ६७ हजार २ सय ८१ मत पाएको छ । अरु कुनै पनि दलले एक लाख मत कटाउन सकेका छैनन् । कमल थापा नेतृत्वको राष्ट्रिय प्रजातन्त्र पार्टी नेपाल १२ हजार २ सय ७० मत पाएर २३औँ स्थानमा छ भने विवेकशील साझा पार्टी ४ हजार ३९ मत पाएर ३८औँ स्थानमा छ ।
