काठमाडौँ – नेपाल समाजवादी पार्टी (नेसपा)ले वाम दलहरुबीच एकताको पहल गर्नका लागि ‘वार्ता टोली’ गठन गर्दै छ ।
वाम दलहरुबीच एकताको पहल भइरहेको बेला डा. बाबुराम भट्टराई नेतृत्वको नेसपाले पनि आज आइतबार वार्ता टोली गठन गर्न लागेकाे हाे।
गठनका लागि आज बिहान ११ बजे पार्टी कार्यालय सुविधानगर, तिनकुनेमा राजनीतिक समितिको बैठक बस्दै छ।
‘वाम एकता’का लागि यसअघि प्रधानमन्त्री समेत रहेका पार्टी अध्यक्ष पुष्षकमल दाहाल ‘प्रचण्ड’ नेतृत्वकाे नेकपा माओवादी केन्द्रले पनि ‘वार्ता टाेली’ गठन गरेकाे छ।
पार्टी उपाध्यक्ष कृष्णबहादुर महरा संयोजकत्वमा माओवादीको शनिबार साझ बसेको केन्द्रीय कार्यालयको बैठकले महासचिव देवप्रसाद गुरुङ, उपमहासचिवत्रय गिरिराजमणि पोखरेल, जनार्दन शर्मा र शक्तिबहादुर बस्नेत रहेको पाँच सदस्यीय कार्यदल गठन गरेको हो।
गत मंसिर ४ को निर्वाचनमा नेसपा माओवादी केन्द्रको चिह्नबाट चुनाव लडेको थियो। त्यसअघि नै माओवादी अध्यक्ष प्रचण्ड र नेसपा अध्यक्ष डा. बाबुराम भट्टराईबीच पार्टी एकताबारे छलफल चल्दै आएको थियो। प्रचण्ड र बाबुरामबीच शनिबार पनि छलफल भएको थियो।
