काठमाडौं ।। यही फागुन २० गते शनिबार निर्वाचन हुन लागेको झापाको हुदैछ । मेचीनगरको बाँसबारी सामुदायिक वन उपभोक्ता समूहको निर्वाचन कडा हुने देखिएको छ ।
पूर्वकै उत्कृष्ट पर्यटकीय गन्तव्यको रुपमा परिचय कमाएको यस वनको निर्वाचमा उपभोक्ताहरु अलग–अलग समूह बनाएर चुनावी मैदानमा उत्रिएका छन् ।
एमाले निकट समूह र काँग्रेस, माओवादी, राप्रपा निकटलगायतको समूह चुनावी मैदानमा छन । एमाले निकट उपभोक्ता हकहित संरक्षणका लागि बामपन्थी समूह र काँग्रेस निकट लोकतान्त्रिक समूह चुनावमा होमिएको छ । एमालेबाट अम्बिका मैनाली प्रसाईं अध्यक्ष पदमा उठेकी छिन् भने काँग्रेस समूहबाट भक्त तामाङ मैदानमा छन ।
बामपन्थी समूहबाट उपाध्यक्ष पदमा यशोदा डाँगी, सचिव पदमा कृष्णप्रसाद भट्टराई, कोषाध्यक्ष पदमा सुनिल राजवंशी र सहसचिव पदमा नरेन्द्र राईको उम्मेदवारी रहेको छ ।
यस्तै, सदस्य पदमा सुर्जन कवर, झुमा भेटवाल, दिना बराइली, सागर अधिकारी, विष्णुबहादुर पन्त र विमला चापागाईंको उम्मेदवारी परेको छ । सदस्य पदमा गीता कवर भने निर्विरोध निर्वाचित भइसकेकी छिन् । उक्त वन समूहमा ४८२ उपभोक्ता घरधुरी रहेका छन् । एक उपभोक्ता घरधुरीबाट दुईजनाले मतदान गर्न पाउने छन् ।
