ताप्लेजुङ/ गणेशकुमार श्रेष्ठ
विधुत प्राविधरण ताप्लेजुङ वितरण केन्द्रको चरम लापरवाहीको कारणले गर्दा बालबालिका लगायत बाटो हिँड्ने मानिसको ज्यान जोखिममा परेको छ । फुङलिङ नगरपालिका
वार्ड नं. ४ बालमन्दिर नजिकै रहेको विधुत प्राधिकरणको ट्रान्सफर्मर रहेको विधुत पोल सडक सँगै जोडिएको छ । उक्त पोलमा रहेको फ्युजको लागि राखिएका नाङ्गो तार जमिनको सतहबाट करिब १ मिटरको उचाइमा रहेको छ । भिरालो बाटो सँगै रहेको ट्रान्सफर्मरमा राखिएको नाङ्गो तारको शिकार कुनै पनि बेला बालबालिका तथा बाटो हिड्ने मानिसमा हुने जोखिम देखिन्छ ।
यस विषयमा नेपाल विधुत प्राधिकरण ताप्लेजुङ वितरण केन्द्रमा सम्पर्क गर्दा ट्रान्सफर्मर भएको पोलमा नियमित रुपमा मर्मतको कार्य गरिराख्नु पर्ने भएकोले
सजिलोको लागि त्यसो गरिएको हुन सक्ने केन्द्रका कार्यालय प्रमुखले साझा परिवेशलाई जानकारी गराउनु भयो । यसो गर्दा जोखिम हुदैन भन्ने जिज्ञासा राख्दा
उहाँले यो जोखिम हुने स्वीकार गर्दै आजै व्यवस्थित गर्न कर्मचारीलाई निर्देशन दिने प्रतिवद्धता जनाउनु भएको छ ।
यस अघि माघ २० गते ताप्लेजुङ वितरण केन्द्रकै आठराई त्रिवेणी गाउँपालिका फुलबारी खण्डमा बाख्रा चराउन गएका एक महिलाको करेन्ट लागेर निधन भई
सकेको छ ।
