July 16, 2024 | मङ्लबार, असार ३२, २०८१
सुचनाहरु
संघीय संसद्का दुवै सदनको बैठक बस्दै अर्जेन्टिनाले जित्यो कोपा अमेरिकाको उपाधि सुनको मूल्य अहिलेसम्मकै उच्च प्रधानमन्त्री ओलीको क्याविनेटमा को को बने मंत्री ? प्रधानमन्त्री ओलीलाई भारतीय प्रधानमन्त्री मोदीको बधाई कोशीमा सरकार पुनर्गठनको तयारी कोकिनसहित विदेशी महिला पक्राउ मुकुल ढकाललाई स्वर्णिम वाग्लेको सचिवालयबाट धम्की कोशी, बागमती र गण्डकी प्रदेशका केही स्थानमा भारी वर्षा हुने पशुपतिनाथमा बृहत् कोटीहोम महायज्ञ आयोजना हुँदै आज देशको ४५औँ प्रधानमन्त्री बन्दै एमाले अध्यक्ष केपी शर्मा ओली युरोकपको फाइनल आज, स्पेन र इङ्ल्याण्ड भिड्दै राष्ट्रिय परिचयपत्र लागू गर्ने निर्णयबाट पछि हट्यो सरकार गौतमबुद्ध अन्तर्राष्ट्रिय विमानस्थलमा अवतरणका क्रममा बुद्धएयरको जहाज चिप्लियो प्रधानमन्त्री पुष्पकमल दाहाल ‘प्रचण्ड’ले आज विश्वासको मत लिँदै बेपत्ता यात्रुको खोजी तथा उद्धार गर्न प्रधानमन्त्री दाहालको निर्देशन बालेनसँग श्रीलंकाका राजदूत पाथिरानाको शिष्टाचार भेट अठार महिनामा पाँचौँपटक विश्वासको मत लिँदै प्रधानमन्त्री ४३ जिल्ला वर्षाको उच्च जोखिम, आवश्यक पूर्वतयारी गर्न आह्वान कोलम्बिया कोपा अमेरिका कपको फाइनलमा

अतिक अहमद हत्याकाण्ड : २२ सेकेन्डसम्म चल्यो गोली, प्रहरीले किन गरेन जवाफी कारबाही ?

  • साझा परिवेश
  • मङ्लबार, बैशाख ५, २०८० १६:५४
अतिक अहमद हत्याकाण्ड : २२ सेकेन्डसम्म चल्यो गोली, प्रहरीले किन गरेन जवाफी कारबाही ?

भारतको उत्तर प्रदेशको प्रयागराजमा अघिल्लो शनिवार पूर्व सांसद अतिक अहमद र उनका भाइ अशरफ अहमदको गोली हानी हत्या गरियो । भारतका विभिन्न पत्रिका र टिभी च्यानलमा उक्त हत्याकाण्डका विभिन्न पाटोबारे चर्चा गरिँदै छ ।

टाइम्स अफ इन्डियाले यसबारे प्रकाशित गरेको आफ्नो ताजा खबरमा युपी प्रहरीले जवाफी कारबाही नगरेको भन्दै प्रश्न तेर्साएको छ । खबरका अनुसार हमलाकर्ताले आधुनिक हतियारमार्फत अतिक अहमद र उनका भाइ अशरफ अहमदमाथि २२ सेकेन्डसम्म अन्धाधुन्ध २९ वटा गोली चलाए ।

लगभग २२ सेकेन्डसम्म भएको गोली बारीपछि पनि अतिक अहमदको सुरक्षामा खटेका प्रहरी अधिकारीले कुनै पनि जवाफी कारबाही नगरेको भन्दै प्रश्न उठिरहेका छन् ।

पत्रिकाले लेखेको छ – टिभी क्यामराको अगाडि जसरी अचानक गोलीबारी सुरु भयो, लगभग त्यही शैलीमा ठिक २२ सेकेन्डपछि हमलाकर्ताले जमिनमा आफ्नो हतियार फ्याँकेर हात उठाएर आत्मसमर्पण गरे र प्रहरीले उनीहरूलाई गाडीमा राखेर लगे ।

उत्तर प्रदेश सरकारले यो घटनाको अनुसन्धानका लागि विशेष अनुसन्धान दलको गठन गरेको छ । यसको नेतृत्व एडिसिपी क्राइम सतिश चन्द्रले गरिरहेका छन् ।

प्रहरीले जवाफी कारबाही नगर्नुको कारण बताउँदै प्रहरीले भनेको छ, ‘सम्भवतः उनीहरुले जवाफी कारबाही गर्ने समय नै पाएनन् ।’

यस्तै पूर्व डिजिपी एके जैनले भने, ‘यो सबै कुरा यति तीव्र गतिमा भयो कि प्रहरीले प्रतिक्रिया दिने समय नै पाएन । तर व्यावसायिक बुझाइका अनुसार प्रहरीको तर्फबाट गोली चलाउनु पनि उचित हुँदैन ।’

  • साझा परिवेश
  • मङ्लबार, बैशाख ५, २०८० १६:५४

प्रतिक्रिया

तपाइको प्रतिक्रिया दिनुहोस्