बागलुङ – बागलुङ जिल्लाको काठेखोला गाउँपालिका–१ एकपाटा (पुष्पलाल मध्यपहाडी लोकमार्ग) मा आइतबार जीप दुर्घटना हुँदा सवार चार जना घाइते भएका छन्।
गलकोट नगरपालिका–३ हटियाबाट बागलुङ बजार आउँदै गरेको प्रदेश ३–०१–००३ च ८६२५ नम्बरको गाडी काठेखोला–१ एकपाटामा मध्यपहाडी लोकमार्गदेखि १० मिटर तल खस्दा चालकसहित चार जना घाइते भएका जिल्ला प्रहरी कार्यालय बागलुङका प्रहरी नायव उपरीक्षक मदन केसीले जानकारी दिए।
प्रनाउ केसीले जीपमा सवार गलकोट नगरपालिका–३ हटियाकी ५२ वर्षीया नितु श्रेष्ठ, ५४ वर्षीय बिरबल श्रेष्ठ, ५९ वर्षीय कृष्ण श्रेष्ठ र चालक २६ वर्षीय अविशेक श्रेष्ठ घाइते भएको बताए।
घाईतेहरुको धौलागिरी अस्पताल बागलुङमा उपचार भइरहेको र उनीहरुको अवस्था सामान्य रहेको प्रनाउ केसीले बताए। उनले ब्रेक फेल भएर जीप दुर्घटना भएको बताए।
