मनसुन शुरु भएसँगै ताप्लेजुङमा बाढी पहिरो केहि व्यक्ति सम्पर्क विहिन

ताप्लेजुङ ।। गणेश कुमार श्रेष्ठ ।।

नेपालमा मनसन शुरु  भएसँगै लगातार परेको वर्षाको कारण २ गते राती देखि  ताप्लेजुङको मेहेले र आङ्खोपमा ठुलो भौतिक क्षति भएको जनाइएको छ । सिदिङ्वा गाउँ पालिका वार्ड नं. ६ मेहेलेमा यादव बुढाक्षेत्रीको घर, वस्तुको ग्वाली पहिरोले लगेको र उहाँको श्रीमती, बुहारी र नाती बेपत्ता छन् भनी स्थानिय दिवस भण्डारीले फेसवुक मार्फत जानकारी दिनुभएको छ । पहिरोका कारण अन्य केहि व्यक्तिहरु
समेत सम्पर्क विहिन भएको जनाइएको छ ।

मेहेले स्वास्थ्यचौकीको भवन समेत पुर्णरुपमा क्षति भएको स्थानीय नरेन्द्र कटुवालले जानकारी गराउनु भएको छ ।
बेपत्ता मध्ये १ जनाको सव भेटिएको तस्विर समेत राजेश कडेलले आफ्नो फेसबुक वालमा पोष्ट गर्नु भएको छ ।

केहि दिनदेखि परेको निरन्तर वर्षाका कारण असार १ गते सिरिजङ्घा गाउँपालिका याम्फुदिन जाने बाँकेटार पुलमा क्षती पुगेर त्यस क्षेत्रमा आवत जावत ठप्प भएको
जनाइएको छ भने याम्फुदिन क्षेत्रका गाउँ वस्ती समेत जोखिममा परेका छन् । ताप्लेजुङको दोस्रो ठुलो बजार दोभान बजार समेत बाढीको कारण जोखिममा परेको छ ।

उता मैवा खोलामा आएको बाढीको कारण सदरमुकार देखि आठराई त्रिवेणी गाउँपालिका तथा साँघु गुफा बसन्तपुर जाने बाटोमा समेत क्षती पुगेको तिलक श्रेष्ठले जानकारी दिनु भएको छ ।

उक्त क्षेत्रमा केहि दिन यातायात सेवा अवरोध हुन सक्ने आठराई त्रिवेणी गाउँ पालिका अध्यक्ष दिपेन पोमुले जनाउनु भयो ।

व्यापारिक केन्द्र दोभान वजारमा रहेको केहि घरहरु  जोखिममा रहेको समेत जनाइएको छ ।  पाँचथर जिल्लाको हेंवा खोलामा आएका बाढीको कारण मेची राजमार्ग अन्तरगत हेंवा खोलाको पुल

बगाउदा झापा देखि फिदिम हुँदै पाँचथरको केहि भु–भाग र ताप्लेजुङ जाने यातायात पुर्ण रुपमा अवरुद्ध भएको फिदिम निवासी सुवास कान्दुले जानकारी गराउनु भएको छ ।

ताप्लेजुङ जिल्लालाई छोटो दुरीको रुपमा हेरिएको तमोर कोरिडोरमा समेत क्षती पुगेको कारण ताप्लेजुङ जिल्लामा यातायात सेवा केहि दिन सम्म ठप्प हुने अवस्था देखिएको छ ।

• संसद विघटन