नेपाल समाजवादी पार्टीले वैकल्पिक शक्ति निर्माण गर्ने ।
नेसपाले पालना गर्नुपर्ने नियम र आचारसंहिता समेत सार्वजनिक गरेको छ ।
काठमाडौं ।।
नेपाल समाजवादी पार्टी (नेसपा) ले नीति, सिद्धान्त र विचार मिल्ने पार्टी र समूहहरूसँग संवाद, सहकार्य बढाउँदै ध्रुवीकरणको पहल गर्ने र मुद्दा मिल्ने पार्टीहरुसँग मोर्चा बनाउने भएको छ । नेसपाले संगठन निर्माण तथा विस्तार अभियान २०८० अन्तर्गत अग्रगामी शक्तिहरूको वृहत ध्रुवीकरणमार्फत देशमा नयाँ वैकल्पिक शक्ति निर्माण गर्न प्रयत्नशील रहने समेत जनाएको छ ।
केही समयअघि बसेको नेसपा केन्द्रीय समिति बैठकको निर्णयअनुसार यही असारबाट सुरु भइ पुस महिनासम्म चल्ने अभियानको विस्तारित खाका नेसपाले सार्वजनिक गरेको हो । पार्टी प्रचार विभाग प्रमुख विश्वदिप पाण्डेले जारी गरेको विज्ञप्तिमा उल्लेख छ, ‘दीर्घकालीन वैचारिक स्पष्टतासहित तत्कालीन जनसरोकारका मुद्दामा दृढ भएर आम जनताबीच संगठन निर्माण गर्दै सडक, सदन र सरकार तीनवटै ठाउँबाट जनतालाई गोलबन्द गरेर अघि बढ्ने उद्देश्यले ‘संगठन निर्माण तथा बिस्तार अभियान’ सञ्चालन गरिएको छ ।’
केही समयअघि बसेको नेसपा केन्द्रीय समिति बैठकको निर्णयअनुसार यही असारबाट सुरु भइ पुस महिनासम्म चल्ने अभियानको विस्तारित खाका नेसपाले सार्वजनिक गरेको हो । पार्टी प्रचार विभाग प्रमुख विश्वदिप पाण्डेले जारी गरेको विज्ञप्तिमा उल्लेख छ, ‘दीर्घकालीन वैचारिक स्पष्टतासहित तत्कालीन जनसरोकारका मुद्दामा दृढ भएर आम जनताबीच संगठन निर्माण गर्दै सडक, सदन र सरकार तीनवटै ठाउँबाट जनतालाई गोलबन्द गरेर अघि बढ्ने उद्देश्यले ‘संगठन निर्माण तथा बिस्तार अभियान’ सञ्चालन गरिएको छ ।’
अभियानमार्फत पार्टीलाई वैचारिक रूपमा नयाँ प्रगतिशील, लोकतान्त्रिक, समाजवादी विकल्पको रुपमा स्थापित गर्ने नेसपाले जनाएको छ । साथै, सबै स्थानीय तहसम्म संगठनात्मक सञ्जाल बिस्तार गर्ने नेसपाको विज्ञप्तिमा उल्लेख छ । अभियानअन्गर्तगत वैचारिक तथा राजनीतिक, संगठन निर्माण तथा विस्तार, संयुक्त मोर्चा र ध्रुवीकरण, जनसंघर्ष र जनपरिचालनको लक्ष्य राखेको छ ।
अभियानको संयोजन प्रदेशमा केन्द्रीय कार्यकारिणी सदस्यहरुले गर्नेछन् भने जिल्ला र पालिकाहरुको अभियानको नेतृत्व केन्द्रीय सदस्य, संघीय परिषद सदस्य वा प्रदेश सदस्यले गर्नेछन् । नेसपाले अभियान्ताहरूले पालना गर्नुपर्ने नियम र आचारसंहिता समेत सार्वजनिक गरेको छ ।
