नगद,भारतीय बैंकको एटीएम कार्ड र २ पेस्तोलसहित २ जना पक्राउ
साझा परिवेश
आइतवार, भदौ ३, २०८० ११:४२
सर्लाहीमा दुई वटा पेस्तोलसहित दुई जना पक्राउ
मोटरसाइकलमा राति भारतबाट नेपाल आउँदै गर्दा
नगद ११ हजार ६८० र भारतीय बैंकको एटीएम कार्ड पनि बरामद
काठमाडौं ।।
सर्लाहीमा दुई वटा पेस्तोलसहित दुई जना पक्राउ परेका छन् । सशस्त्रको बोर्डर आउट पोस्ट (बिओपी) संग्रामपुरले शनिबार राति सर्लाहीकै हरिपुर्वा नगरपालिका-६ का प्रकाश यादव र जीवन राय यादवलाई पक्राउ गरेको हो ।
उनीहरू बिआर १९जीए ४१४१ नम्बरको मोटरसाइकलमा राति पर्सा गाउँपालिका-६ हुँदै भारतबाट नेपाल आउँदै थिए । चेकजाँचका क्रममा पेस्तोल र गोली भेटिएपछि उनीहरू पक्राउ परेका हुन् ।
उनीहरूको साथबाट नगद ११ हजार ६८० र भारतीय बैंकको एटीएम कार्ड पनि बरामद भएको छ । बरामद सामानसहित दुवै जनालाई कारबाहीका लागि शनिबार राति नै जिल्ला प्रहरी कार्यालय सर्लाही बुझाइएको सशस्त्रले जनाएको छ ।
