नदीनालामा हुने दुर्घटनामा परी डुवेका मानिसको उद्धारको लागि
दक्ष जनशत्ति तथा गोताखोरको नै आवश्यकता पर्ने
यहि कमिलाइ पुरा गर्न सशस्त्र प्रहरी कम्मर कसेर लाग्दै
सुनसरी । धीरेन्द्र नारायण मण्डल ।।
नेपालको नदीनालामा हुने दुर्घटनामा परी डुवेका मानिसको उद्धार सवैले गर्न सक्दैन । त्यसकालागी दक्ष जनशत्ति तथा गोताखोरनै चाहिन्छ । नेपालमा अहिले पनी गोताखोरको निकै कमि रहेको पाइएको छ । यहि कमिलाइ पुरा गर्न सशस्त्र प्रहरी कम्मर कसेर लागेको छ । नेपालमा गोताखोरको थप दक्ष जनशत्ति उत्पादन गर्न सशस्त्र प्रहरीले आजदेखी गोताखोरको तालिम सुरु गरेकोे छ ।
सुनसरीको पकली स्थित सशस्त्र प्रहरीको बराह बाहिनी मुख्यालयले ३५ दिने तालिममा सशस्त्र प्रहरीका १८ जना र २ जना नेपाल प्रहरीका जवानको सहभागिता रहने छ । पछिल्लो समय नदी,खोला तथा तालहरुमा दुर्घटना वढेपनि गोताखोरको अभावकै कारण भने जस्तो उद्धार कार्यमा तिव्रता दिन सकिएको छैन् ।
सिमा सुरक्षादेखी लिएर मुलुकभित्रका धरै जिम्वेवारी निर्वाह गर्दै आएको सशस्त्र प्रहरीको यो प्रशिक्षण उदाहरणिय रहेको कोशी प्रदेशका प्रमुख सचिव डा दिपक काफ्लेले बताउनु भएको छ । जलिय विपतबाट सृजनाहुने जोखिमलाई व्यवस्थापन गर्ने अथवा कुनैपनि हिसाबमा, पानीजन्य अवस्थाको समस्यामा परेको व्यक्तिहरुलाई उद्वार गर्ने र त्यसको संरक्षण गर्ने भुमिका यहाँहरुको उत्कुष्ट हुन्छ र अन्तराष्ट्रियस्तरमा नेपालको नाम स्मरणिय हुन्छ भन्दै तालिममा सहभागिको हौसला बढाउनु भयो ।
नेपालमा गोताखोर नहुदा विपद्प्रतिकार्य क्षमता अभिवृद्धि गर्ने योजनाहरु पहिले कुनै दुर्घटना हुदाँ उद्वारकालागि छिमेकी मुलुकामा भरपर्नुपर्ने स्थीति थियो । विषेशगरि बंगलादेशबाट गोताखोर ल्याएर अप्रेसनहरु संचालन गर्नुपर्ने बाध्यता थियो र त्यो गोताखोर ल्याउन खबर गरेको मितिले कम्तिमा दुई तीन हप्तासम्म लाग्ने गरेको स्थीतिलाई अब हामिले सहजै रुपमा चिर्न सफल हुन्छौ, बराह बाहिनी मुख्यालय पकलीका सशस्त्र प्रहरी नायब महानिरीक्षक अञ्जनी कुमार पोखरेलले बताउनु भयो ।
नेपालमा गोताखोर नहुदा बङ्गलादेशवाट गोताखोर ल्याउने बाध्यता थियो । यो बाध्यतालाइ अनत्य गर्दै पहिलो पटक बङ्गलादेशबाट २५ सशस्त्र प्रहरीका जवानले गोताखोरको प्रशिक्षण लिएका थिए । त्यससङ्गै नेपालमा गोताखोर सख्या ८३ पुगेको छ । तर पनी यो जनशत्ति निकै अपुग रहेको सशस्त्र प्रहरी नायव महानिरीक्षक अञ्जनी कुमार पोख्रेलले बताउनु भएको छ ।
छनौटमा परेको जावनहरुले चतरा स्थित सप्तकोशी नदी, धनकुटाको तम्मर नदी र ओखलढुङ्गा आसपासका नदीमा गोताखोरको प्रशिक्षण लिने बताएको छ । यो प्रशिक्षण पछि नेपालमा हुने विपद व्यवस्थापनमा महत्वपुण भुमिका निर्वाह हुने अपेक्षा गरिएको छ ।
