इनरुवा नगरपालिकाका कर्मचारी देखी शिक्षकसम्मको हाजिरिमा कडाई

• इनरुवा नगरपालिकामा कर्मचारी देखी शिक्षकसम्मको हाजिरिमा कडाई गर्ने
• ढिलो आउने र छिटो जाने कर्मचारीको निगरानी गर्ने 
• घण्टा र घण्टालाई दिनमा परिणत गरि तलब समेत काट्ने तयारि
• समयको ख्याल गर्न भन्दै हाजिरिमा कडाई गर्ने निर्देशन

इनरुवा ।।

सुनसरीको सदरमुकाम समेत रहेको इनरुवा नगरपालिकामा कर्मचारी देखी शिक्षकसम्मको हाजिरिमा कडाई गर्ने भएको छ । जनताको सेवालाई चुस्तदुरुस्त पार्ने, कार्यालय समयको ख्याल गर्ने र ढिलो आउने र छिटो जाने जानेमाथि निगरानी गर्ने गरि कर्मचारी देखी शिक्षकसम्मको हाजिरिमा कडाई गर्ने भएको हो ।

हालै इनरुवा नगरपालिकामा सरुवा भई आउनुभएका प्रमुख प्रशासकिय अधिकृत अग्निप्रसाद अधिकारीले जनताको सेवा गर्ने भएर जागिरमा रहनुभएका सबै कर्मचारी देखी शिक्षकसम्मको इ हाजिरि हुने र त्यसमा कडाई गर्ने जानकारी दिनुभएको छ ।

अधिकारीका अनुसार चालुु आर्थिक वर्षको पहिलो महिना साउनमा कर्मचारीहरुको इ हाजिरिको प्रिन्ट कपि अध्ययन विश्लेषण गर्दा समयको पालनामा ख्यान नगरेको, कार्यालयमा आएरपनि कार्यकक्षमा अनुपस्थित देखिएको पाइएकाले भदौमा कडाई गर्ने र असोजबाट मिनेटसगैं घण्टा र घण्टालाई दिनमा परिणत गरि तलब समेत काट्ने तयारि भएको छ ।

सुशासन कायम गर्नका लागि पहिलो काम इनरुवा नगरपालिकामा कर्मचारी देखी शिक्षकसम्मको हाजिरिमा कडाई गर्ने भएको अधिकारीले बताउनुभयो । शिक्षामा सुधार ल्याउन र शैक्षिक गुणस्तर कामय गर्नका लागि प्रधानाध्यापकहरुबाट योजना माग गर्ने र योजना सहित कार्यान्वयनमा जाने तयारी गरेको बताउनुभयो ।

प्रमुख प्रशासकिय अधिकृत अधिकारीले शाखा प्रमुख र वडा सचिव समेतलाई राखेर समयको ख्याल गर्न भन्दै हाजिरिमा कडाई गर्ने निर्देशन दिनुभएको छ । विद्यालयका प्रधानाध्यापकदेखी विद्यालय व्यवस्थापन समितिसम्मलाई शैक्षिक सुधारका लागि क्षमता अभिवृति अभिमुखिकरण गर्ने, अनुगमन प्रणालीलाई प्रभावकारी बनाउने लगायतको काम अगाडि बढाउने बताउनुभयो ।

• संसद विघटन