मंगलदीप पूजा अगरबत्तीको ब्राण्ड एम्बेस्डरमा नायिका वर्षा शिवाकोटी नियुक्त
साझा परिवेश
शुक्रबार, अशोज १२, २०८० १३:५७
काठमाडौं । नेपालको व्यावसायिक संस्था सूर्य नेपाल प्रा.लि.को उत्पादन मंगलदीप पूजा अगरबत्तीले अभिनेत्री वर्षा सिवाकोटीलाई आफ्नो ब्राण्ड एम्बेस्डरको रुपमा नियुक्त गरेको छ ।
नेपालमै रुचाईएको अगरबत्तीमा पर्ने मंगलदीप पूजा अगरबत्ती ग्राहकहरुको आवश्यकताहरुलाई आत्मसाथ गरी विभिन्न सुगन्ध तथा प्याक साइजहरुमा उपलब्ध छन् । आफ्ना यी उत्पादनहरुलाई सशक्त रुपमा ग्राहकहरुमाझ पुर्याउन तथा आफ्नो उत्पादनहरुको प्रवर्द्धन गर्न वर्षा सिवाकोटीसँगको सहकार्य सफल हुने कम्पनीको विश्वास छ ।
नेपाली सिने जगतमा विभिन्न चलचित्रहरुमा आफ्नो अभिनय क्षमता देखाउनुभएकी सिवाकोटीको साथमा कम्पनीले विभिन्न प्रचारमुखी योजनाहरु गर्ने अभिप्रायको साथ मंगलदीप सयपत्रीको नयाँ टेलिभिजन विज्ञापन पनि सार्वजनिक गरेको छ ।
अभिनेत्री सिवाकोटीले आफू पनि पूजा तथा अध्यात्ममा विश्वास राख्ने व्यक्ति भएको हुनाले मंगलदीप जस्तो गुणस्तरीय ब्राण्डसँग सहकार्य गर्न पाउँदा खुशी लागेको बताउनु भयो ।
