ओलीले ‘‘डिजिटल ब्यानरको स्विच” थिचेर अधिवेशनको गरे उद्घाटन

• ओलीले पार्टीको कोसी प्रदेश अधिवेशन उद्घाटन गरे
• समारोहमा सहभागी हुन ओली आजै विराटनगर आए
• अधिवेशनले प्रदेशको नयाँ नेतृत्व चयन गर्ने

विराटनगर ।।

विराटनगर । नेपाल कम्युनिष्ट पार्टी (एमाले)का अध्यक्ष केपी ओलीले पार्टीको कोसी प्रदेश अधिवेशन उद्घाटन गरेका छन् ।‌ प्रदेश राजधानी विराटगरमा आयोजित उद्घाटन समारोहमा सहभागी हुन ओली आजै विराटनगर आएका हुन् । मनास्लु पार्टी प्यालेसमा आयोजना गरिएको कार्यक्रममा ओलीले ‘डिजिटल ब्यानरको स्विच’ थिचेर अधिवेशन उद्घाटन गरे ।‌ अधिवेशनमा सहभागी हुन एमालेका केन्द्रीय नेताहरू विराटनगरमा भेला भएका छन् ।‌ अधिवेशनमा एक हजार ४७ प्रतिनिधि सहभागी छन् ।‌ शनिबारसम्म चल्ने अधिवेशनले प्रदेशको नयाँ नेतृत्व चयन गर्नेछ ।

अधिवेशनमा प्रदेशका १३७ पालिका, २३ जनवर्गीय संगठन, दलित, मजदुरलगायत क्षेत्रका प्रतिनिधि र पर्यवेक्षक सहभागी रहेको प्रदेश अध्यक्ष तुलसी प्रसाद न्यौपानेले जानकारी दिएका छन् ।‌ वरिष्ठ उपाध्यक्ष ईश्वर पोखरेल, महासचिव शंकर पोखरेल, कोसी प्रदेश इन्चार्ज रघुवीर महासेठ, प्रतिनिधिसभा तथा प्रदेशसभा सदस्य, स्थायी कमिटी सदस्यहरू, केन्द्रीय कमिटी सदस्यहरूलगायत सहभागी छन् ।‌यसअघि कार्यक्रमस्थलमा विभिन्न जातजातिका सांस्कृतिक झाँकी तथा नृत्य प्रस्तुत् गरिएको थियो ।‌

• संसद विघटन