जाजरकाेट भूकम्पमा नलगाड नगरपालिका उपप्रमुख सिंहकाे मृत्यु
साझा परिवेश
शनिबार, कार्तिक १८, २०८० 0८:२५
जाजरकोट केन्द्रविन्दु भई आएको भूकम्पमा परी नलगाड नगरपालिका उपप्रमुख सरिता सिंहको मृत्यु भएको छ । जिल्ला प्रहरी कार्यालय जाजरकोटले उपप्रमुख सिंहको मृत्यु भएको पुष्टि गरेको छ ।
जिल्ला प्रशासन कार्यालय जाजरकोटका अनुसार भेरी नगरपालिकामा २ जना, नलगाढ नगरपालिकामा ४ जना, कुशे गाउँपालिकामा ४ जना गरी १० जनाको मृत्यु भएको छ । मध्यराती भूकम्प आएका कारण विवरण संकलनमा भने समस्या भइरहेको छ ।
भुकम्पबाट के कति भयो भन्ने प्रारम्भिक विवरणहरु संकलन कार्य भईरहेको जाजरकोटका प्रमुख जिल्ला अधिकारी सुरेश सुनारले जानकारी दिए । ‘हामी क्षतीको बारेमा बुझ्दैछौं । रातीको समय भएकोले पनि विवरण बुझ्न कठिन भईरहेको छ, सदरमुकामबाहेकका अन्य क्षेत्रमा टेलिफोन सम्पर्क समेत हुन सकेको छैन ’ प्रजिअ सुनारले भने ।
सिंह गतवर्ष सम्पन्न स्थानीय तहको निर्वाचनमा नेपाली कांग्रेसको तर्फबाट उम्मेदवार भई निर्वाचित भएकी थिइन्।
