July 16, 2024 | मङ्लबार, असार ३२, २०८१
सुचनाहरु
संघीय संसद्का दुवै सदनको बैठक बस्दै अर्जेन्टिनाले जित्यो कोपा अमेरिकाको उपाधि सुनको मूल्य अहिलेसम्मकै उच्च प्रधानमन्त्री ओलीको क्याविनेटमा को को बने मंत्री ? प्रधानमन्त्री ओलीलाई भारतीय प्रधानमन्त्री मोदीको बधाई कोशीमा सरकार पुनर्गठनको तयारी कोकिनसहित विदेशी महिला पक्राउ मुकुल ढकाललाई स्वर्णिम वाग्लेको सचिवालयबाट धम्की कोशी, बागमती र गण्डकी प्रदेशका केही स्थानमा भारी वर्षा हुने पशुपतिनाथमा बृहत् कोटीहोम महायज्ञ आयोजना हुँदै आज देशको ४५औँ प्रधानमन्त्री बन्दै एमाले अध्यक्ष केपी शर्मा ओली युरोकपको फाइनल आज, स्पेन र इङ्ल्याण्ड भिड्दै राष्ट्रिय परिचयपत्र लागू गर्ने निर्णयबाट पछि हट्यो सरकार गौतमबुद्ध अन्तर्राष्ट्रिय विमानस्थलमा अवतरणका क्रममा बुद्धएयरको जहाज चिप्लियो प्रधानमन्त्री पुष्पकमल दाहाल ‘प्रचण्ड’ले आज विश्वासको मत लिँदै बेपत्ता यात्रुको खोजी तथा उद्धार गर्न प्रधानमन्त्री दाहालको निर्देशन बालेनसँग श्रीलंकाका राजदूत पाथिरानाको शिष्टाचार भेट अठार महिनामा पाँचौँपटक विश्वासको मत लिँदै प्रधानमन्त्री ४३ जिल्ला वर्षाको उच्च जोखिम, आवश्यक पूर्वतयारी गर्न आह्वान कोलम्बिया कोपा अमेरिका कपको फाइनलमा

स्तन क्यान्सर पत्ता लाउन सक्छ डिभाइस जडित यो ब्रा

  • साझा परिवेश
  • शुक्रबार, कार्तिक २४, २०८० १२:२२
स्तन क्यान्सर पत्ता लाउन सक्छ डिभाइस जडित यो ब्रा

कल्पना गर्नुस्- तपाईंले लगाएको ब्रा मा एउटा यस्तो उपकरण जडान भएको छ जसले तपाईंले चिया पिइरहनु भएको बेला पनि स्तन क्यान्सरमा ट्युमर छ भने त्यो पत्ता लगाउन सक्छ। हो, टर्कीका वैज्ञानिक डाक्टर जानान दादेविरेनले म्यासाचुसेट्स इन्स्टिच्युट अफ टेक्नोलोजी (एमआईटी)को मिडिया ल्याबमा यो प्रविधिको विकास गरेका छन्।

यो उपकरण उनले आफ्नी आन्टीको सम्मानमा तयार गरेका हुन् जसको मृत्यु स्तन क्यान्सरका कारण भएको थियो। जो महिलालाई स्तन क्यान्सरको खतराका कारण बारम्बार म्यामोग्राम गर्ने सल्लाह दिइन्छ, उनीहरुका लागि यो उपकरण सहयोगी हुन सक्छ। ब्रामा जडान गरिने यो डिभाइसले ब्रेस्ट क्यान्सरको मनिटरिङ गरिरहन्छ।

क्यान्सरको कुरा गर्दा सबैभन्दा धेरै बिरामी स्तन क्यान्सरका हुन्छन्। विश्व स्वास्थ्य संगठनका अनुसार सन् २०२० मा विश्वभर २३ लाख महिलाको स्तन क्यान्सर पहिचान भएको थियो र ६ लाख ८५ लाखको यही रोगका कारण ज्यान गएको थियो। महिलाको मृत्युको कारकमा स्तन क्यान्सर दोस्रो नम्बरमा आउँछ। अमेरिकन क्यान्सर सोसाइटीका अनुसार सुरुमै स्तन क्यान्सर पत्ता लागेको खण्डमा र यो एकै ठाउँमा केन्द्रित भएको छ भने पाँच वर्ष जिवित रहने सम्भावना ९९ प्रतिशत हुन्छ।

डाक्टर दादेविरेनका अनुसार उनले आविष्कार गरेको उपकरणले जिवित रहने दर बढाउन मद्दत मिल्न सक्छ किनकी जो महिलाको क्यान्सर ढिलो गरी पत्ता लागेको छ, उनको जिवित रहने सम्भावना २२ प्रतिशतमात्र हुन्छ।

यो डिभाइस यस्ता महिलालाई लगाइन्छ जसलाई स्तन क्यान्सरको खतरा बढी छ। यसले उनलाई म्यामोग्राम या सेल्फ एक्जामिनेसन (आफैं जाँच गर्ने) को बीचको समयमा बन्न सक्ने गाँठा पत्ता लगाउन सहयोग पुग्छ। यो उपकरणले केही गडबडी पत्ता लगाएको खण्डमा म्यामोग्राफी गर्न सकिन्छ।

एमआईटी टिमलाई यो डिभाइस बनाउन साढे ट वर्ष लागेको थियो। यही वर्षको अगष्टमा यो उपकरणले अमेरिकामा प्याटेन्ट पाएको छ र यसको परीक्षण भइरहेको छ। यो डिभाइसको मूल्य एक हजार डलर तोकिएको छ। ठूलो परिमाणमा उत्पादन भएपछि यसको मूल्य घट्नेछ तर यसका लागि करिब पाँच वर्ष पर्खिनु पर्नेछ।

विश्व स्वास्थ्य संगठनका अनुसार विकासशील देशमा स्तन क्यान्सरबाट हुने मृत्युको कारण यो ढिलो पत्ता लाग्नु र समयमै राम्रो उपचार नपाउनु हो। यस्तोमा यो उपकरणले चाँडो लक्षण पत्ता लागेर उपचारमा जाने र बढी समय बाँच्ने सम्भावना बढी हुन्छ।
– बीबीसी हिन्दीबाट

  • साझा परिवेश
  • शुक्रबार, कार्तिक २४, २०८० १२:२२

प्रतिक्रिया

तपाइको प्रतिक्रिया दिनुहोस्