July 15, 2024 | सोमवार, असार ३१, २०८१
सुचनाहरु
संघीय संसद्का दुवै सदनको बैठक बस्दै अर्जेन्टिनाले जित्यो कोपा अमेरिकाको उपाधि सुनको मूल्य अहिलेसम्मकै उच्च प्रधानमन्त्री ओलीको क्याविनेटमा को को बने मंत्री ? प्रधानमन्त्री ओलीलाई भारतीय प्रधानमन्त्री मोदीको बधाई कोशीमा सरकार पुनर्गठनको तयारी कोकिनसहित विदेशी महिला पक्राउ मुकुल ढकाललाई स्वर्णिम वाग्लेको सचिवालयबाट धम्की कोशी, बागमती र गण्डकी प्रदेशका केही स्थानमा भारी वर्षा हुने पशुपतिनाथमा बृहत् कोटीहोम महायज्ञ आयोजना हुँदै आज देशको ४५औँ प्रधानमन्त्री बन्दै एमाले अध्यक्ष केपी शर्मा ओली युरोकपको फाइनल आज, स्पेन र इङ्ल्याण्ड भिड्दै राष्ट्रिय परिचयपत्र लागू गर्ने निर्णयबाट पछि हट्यो सरकार गौतमबुद्ध अन्तर्राष्ट्रिय विमानस्थलमा अवतरणका क्रममा बुद्धएयरको जहाज चिप्लियो प्रधानमन्त्री पुष्पकमल दाहाल ‘प्रचण्ड’ले आज विश्वासको मत लिँदै बेपत्ता यात्रुको खोजी तथा उद्धार गर्न प्रधानमन्त्री दाहालको निर्देशन बालेनसँग श्रीलंकाका राजदूत पाथिरानाको शिष्टाचार भेट अठार महिनामा पाँचौँपटक विश्वासको मत लिँदै प्रधानमन्त्री ४३ जिल्ला वर्षाको उच्च जोखिम, आवश्यक पूर्वतयारी गर्न आह्वान कोलम्बिया कोपा अमेरिका कपको फाइनलमा

भारतीय फूलका कारण स्वदेशी उत्पादन खेर, झण्डै ३० लाख माला भारतबाट भित्रिएपछि किसान निरास

  • साझा परिवेश
  • मङ्लबार, कार्तिक २८, २०८० १३:३५
भारतीय फूलका कारण स्वदेशी उत्पादन खेर, झण्डै ३० लाख माला भारतबाट भित्रिएपछि किसान निरास

काठमाण्डाै – यसपालि तिहारमा सोचेजस्तो नेपाली फूलको कारोबार भएन । पोहोर राम्रो मूल्य पाएपछि फूल खेती बढाएका किसान यसपालि निराश भएका छन् ।

फूल किसान र फूल व्यवसायीले यस वर्षको तिहारमा फूलको कारेबार नै नभएको र भए पनि निकै सस्तोमा फूल बेच्नुपरेको गुनासो गरेका छन् ।

फ्लोरिकल्चर एसोसिएशन नेपालका अध्यक्ष मीनबहादुर तामाङले भारतबाट फूलको आयातलाई प्रतिबन्ध लगाउन आग्रह गर्दागर्दै पनि आयात नरोकिँदा किसान र व्यवसायी मर्कामा परेका बताउनुभयो । उहाँका अनुसार भारतबाट सयपत्री फूलका झण्डै ३० लाख वटा माला आयात भएको छ ।

सयपत्री फूलका १५ लाख माला वैध बाटोबाटै नेपाल भित्रिएका छन् । अवैध रुपमा १५ लाखभन्दा धेरै माला भित्रिएको अनुमान छ । फ्लोरिकल्चर एसोसिएशनले यसपालि नेपालमा रहेका भारतीयमूलका व्यक्तिलाई लक्षित गरी ५ लाख माला मात्रै नेपाल ल्याउन अनुमति दिन भनेको थियो । तर, त्यसो हुन नसक्दा नेपाली किसानले उत्पादन गरेको फूल त्यसै खेर गएको छ ।

बजार, चोक तथा सडक पेटीहरुमा किसानले बेच्न ल्याएको फूल नबिकेर त्यसै फालिएको छ । यस्तै, काठमाण्डाै महानगरपालिकाले चार ठाउँबाट मात्र फूल बेच्न पाउने निर्णय गर्दा पनि यसपटक तिहारमा नेपाली फूलको कारोबारमा कमी आएको फ्लोरिकल्चर एसोसिएशन नेपालका अध्यक्ष मीनबहादुर तामाङले बताउनुभयो ।

सरकारले भारतीय फूललाई कडाइ नगर्दा फूल किसान र व्यवसायी मारमा परेका फ्लोरिकल्चर एसोसिएशनले जनाएको छ ।

  • साझा परिवेश
  • मङ्लबार, कार्तिक २८, २०८० १३:३५

प्रतिक्रिया

तपाइको प्रतिक्रिया दिनुहोस्