राप्रपा प्रवेश गरे एमाले कोशी प्रदेश कमिटी सदस्य किशोर कार्की

नेकपा (एमाले) कोशी प्रदेश कमिटी सदस्य किशोरकुमार कार्की राष्ट्रिय प्रजातन्त्र पार्टी (राप्रपा) मा प्रवेश गरेका छन्।

कार्कीलाई राप्रपा अध्यक्ष लिङ्देनले पार्टीमा भित्र्याएका हुन्। प्रवक्ता मोहन श्रेष्ठका अनुसार एमाले प्रदेश कमिटी सदस्य कार्की आइतबार राप्रपा प्रवेश गरेका हुन्। केन्द्रीय कार्यालय धुम्बाराहीमा अध्यक्ष लिङ्देनले सदस्यता दिएर कार्कीलाई पार्टीमा भित्र्याएका थिए।

राप्रपा प्रवेश गरेका कार्की ब्लास्टका प्रबन्ध निर्देशक समेत हुन् । केही दिनअघि लिङ्देनले कार्कीलाई उनै घरमा पुगेर भेटघाट गरेका थिए । कार्की नेकपा एमालेका सक्रिय बफेदार सदस्य  थिए । गत शालको प्रदेश र केन्द्रीय चुनावमा सभासद छनोटमा विवाद भए सङै कार्कीको मन दुखेको थियो । एमालेको प्रदेश कमिटी सदस्य हुँदा कार्कीलाई पार्टीले निलम्बन गरेको थियो ।

गत वर्षको प्रदेश र प्रतिनिधिसभा निर्वाचनमा टिकट वितरणमा असन्तुष्टि जनाएर मनोज कुमार मेन्याङ्बोलाई प्रतिनिधिसभा सदस्यको उम्मेदवार बनाएपछि कार्कीलाई एमालेले कारबाही गरेयता उनी एमालेको गतिविधिमा संलग्न छैनन् ।

राप्रपाले अध्यक्ष लिङ्देनलाई भूगोल केन्द्रित आन्तरिक अभियानका लागि धरान उपमहानगरपालिका क्षेत्रमा खटाएको थियो।

• संसद विघटन