प्रधानमन्त्री प्रचण्ड र अमेरिकी लाउबाचरबीच सुमधुर भेटघाट
साझा परिवेश
बिहिबार, मंसिर २१, २०८० १२:२४
प्रधानमन्त्री प्रचण्ड र वरिष्ठ निर्देशक इलिन लाउबाचरबीच भेटवार्ता
प्रचण्डलाई भेट्न बिहीबार बिहान बालुवाटारस्थित निवास पुगिन्
अमेरिकी दूतावासमा सैनिक सहचारीको रूपमा पनि काम गरेकी थिइन्
काठमाडौं ।।
प्रधानमन्त्री पुष्पकमल दाहाल प्रचण्ड र दक्षिण एसियाका लागि अमेरिकी राष्ट्रिय सुरक्षा परिषदकी वरिष्ठ निर्देशक इलिन लाउबाचरबीच भेटवार्ता भएको छ । अमेरिकी राष्ट्रपति जो बाइडेनका विशेष सहायक समेत रहेकी लाउबाचर प्रधानमन्त्री प्रचण्डलाई भेट्न बिहीबार बिहान बालुवाटारस्थित निवास पुगेकी थिइन् ।
भेटवार्तामा दुई मुलुकबीचको सम्बन्धलाई थप बलियो बनाउने र द्विपक्षीय सहकार्य थप बढाउने विषयमा छलफल भएको प्रधानमन्त्रीको सचिवालयले जनाएको छ । उनी बुधबार काठमाडौं आएकी थिइन् । काठमाडौं आएलगत्तै उनले परराष्ट्रमन्त्री एनपी साउद, प्रधानसेनापति प्रभुराम शर्मा र राष्ट्रिय सुरक्षा सल्लाहकार शंकरदास बैरागीसँग भेटवार्ता गरेकी थिइन् । लाउबाचरले भारतस्थित अमेरिकी दूतावासमा सैनिक सहचारीको रूपमा पनि काम गरेकी थिइन् ।
