काठमाडौं । रामबहादुर बम्जन ‘तपस्वी’ पक्राउ परेका छन । बम्जनलाई नेपाल प्रहरीको केन्द्रीय अनुसन्धान ब्युरो (सीआईबी)को टोलीले काठमाडौंको बूढानिलकण्ठबाट पक्राउ गरेको हो ।
बम्जनमाथि २०७३ साउन २० मा आश्रममा आएका तीन युवतीलाई प्रलोभनमा पारेर यौनशोषण र बलात्कारपछि बेपत्ता गरेको आरोप छ ।
उनीमाथि यौन शोषण, बलात्कार र बेपत्ता बनाएको आरोप पनि लागेको थियो। उनीविरूद्ध पाँच परिवारले उजुरी दिएका थिए। आफ्नो आश्रममा बस्दै आएका तीन जना युवती र दुई युवालाई बेपत्ता पारेको उजुरी प्रहरी कार्यालयमा दर्ता भएको थियो। तीमध्ये एक जनालाई उनले सिन्धुपाल्चोकको आश्रममा हत्या गरी शवसम्म बेपत्ता पारेको आरोप रहेको छ ।
प्रहरीले बम्जनका आश्रमहरूबाट यसअघि शव गलाउन प्रयोग गरिएका नुनका ढिकाहरू बरामद गरेको थियो ।
बम्जनमाथि सर्लाही, नुवाकोट र मकवानपुरबाट आश्रम आएका तीन युवतीलाई बलात्कार गरेको आरोप लागेको छ ।
बम्जनले आफूलाई बौद्ध धर्मका तपस्वी ‘लिटिल बुद्ध’ बताउँदै आएका छन् ।
