विदेश पठाउदा कम्तिमा एक लाख तलब तोक्नु पर्ने सांसद राईको भनाई
साझा परिवेश
सोमवार, चैत्र १९, २०८० १५:३८
संसदमा वैदेशिक रोजगारीमा जाने नेपाली युवाहरूलाई कम्तीमा एकलाख मासिक तलब हुनुपर्ने माग उठेको छ।
सोमबारको प्रतिनिधिसभा बैठकमा माओवादी केन्द्रका सांसद रामकुमार राईले वैदेशिक रोजगारीमा जानेहरूको मासिक तलब एक लाख तोक्न माग गरेका हुन्।
उनले विशेष समयमा रोजगारीमा गएकाहरूले काम नपाएर जेलमा जसरी बस्नुपरेको बताए। ‘वैदेशिक रोजगारीमा विशेष गरेर फ्री भिसामा जानेहरूलाई डेढ लाखदेखि दुई लाख दिएर पठाइरहेको छ। तर, कतिले काम पाइरहेको छैन। भनिरहेको कम्पनीमा काम पाइरहेको छैन। बेरोजगार भएर जेलमा जसरी बस्नुपरेको छ। यसमा सरकारले पहलकदमी लियोस्,’ उनले भने, ‘विदेश पठाउँदा कम्तीमा यहाँका नेपाली दाजुभाइहरूलाई एक लाख बराबरको महिनाको तलब तोकेर मात्र पठाउने गरियोस्।’
