विमानस्थलमा चलेको हावाहुरीका कारण आन्तरिक र बाह्य उडान प्रभावित
साझा परिवेश
बिहिबार, चैत्र २९, २०८० १७:३८
, काठमाडौं । त्रिभुवन अन्तर्राष्ट्रिय विमानस्थल परिसरमा चलेको हावाहुरीका कारण आन्तरिक र बाह्य उडान प्रभावित भएका छन् । त्रिभुवन विमानस्थलका प्रवक्ता सुवास झाका अनुसार आन्तरिक उडान समेत प्रभावित बनेको छ ।
नेपालगन्जबाट आएको बुद्ध एयरको जहाज भैरहवा डाइभर्ट भएको छ भने काठमाडौंबाट पोखरा उडेको यती एयरलाइन्सको जहाज काठमाडौंमै फिर्ता गर्नुपरेको छ । बुद्ध एयरको सिमराबाट उडेको जहाज पनि सिमरामै डाइभर्ट गर्नुपरेको छ ।
यस्तै कतारबाट आएको कतार एयरवेजले ओभरसुट गर्दै काठमाडौं अवतरण गर्ने प्रयासमा छ । चाइना इस्टर्नको जहाज बंगलादेशको ढाका पाठइएको छ । भारतको इन्डिगो एयरको जहाज नयाँदिल्ली डाइभर्ट भएको छ । अहिले दिल्लीबाट आएको भिस्टारा एयर, ढाकाबाट आएको विमान बंगलादेश, थाइल्यान्डबाट आएको लायन एयर होल्डमा रहेको विमानस्थल कार्यालयले जनाएको छ ।
