२८ बैशाख , दमक / झापाको कमल गाउँपालिका स्थित श्री मंगलमय माध्यमिक बिद्यालयमा कक्षा १० मा अध्ययनरत एक बिद्यार्थी एकाएक बेपत्ता भएकाछ्न ।
कमलगाउँपालिका वडा न ५ स्थित देबि थापाको घरमा आफन्त पर्ने दाइ रामकुमार नेपालीको डेरामा बस्दैआएको गहुगोरो बर्ष १६ को अपकोस दर्जी नाम गरेका बालक हिजो बिहिबार देखि बेपत्ता भएको उनका बुबा रमेश दर्जिले बताएकाछ्न ।
२७ गते बिहिबार बिद्यालय हिडेका अपकोस बिद्यालय नपुगेको जानकारी पाएपश्चात् निजका दाइ रामकुमारले ईलाका प्रहरी कार्यालय दमकमा जानकारी गराएका थिए ।
बिद्यालय जान्छु भनी हिडेको र हाल सम्म बेपत्ता रहेका अपकोसले पुस्तक कोठामै छोडेको र पुस्तक बोक्ने झोलामा केही लुगाहरु र साथमा रु १००० नगद समेत लगेको पाइएको निजका दाजु रामकुमारले बताएकाछ्न ।
बिद्यालय जान्छु भनी हिडेर बिद्यालयमा हाजिरनै नभइ अन्यत्र गएको र हिजो बिहिबार साझसम्म कोठामा नफर्किएकोले उनलाई कसैले ललाइफकाइ अनुचित प्रभाबमा पारी अन्यत्र लगेको हुनसक्ने निजका बुबा रमेश दर्जिले बताए ।
बेपत्ता बालकको आमा गान्धिरा दर्जी हाल वैदेशिक रोजगारिको क्रममा कुबेतमा रहेको र बुबा रमेश पनि सुनसरी जिल्लाको धरानमा रोजगारीमा रहेकाले उतै बस्दै आएका थिए ।
रोजगारीका क्रममा घरबाहिर रहेकोले उनका अभिभावकले आफन्त पर्ने दाजु रामकुमार सग अध्ययन तथा हेरचाहको लागि निज बालक अध्ययन गर्ने बिद्यालय नजिकै रहेको डेरामा राखिदिएको बेपत्ता बालकका बुबा रमेशले बताए ।
बिहिबार बिद्यालय समयदेखि बेपत्ता रहेका बालक यो समाचार तयार पार्दासम्म कहि कतै नभेटिएको तथा आफ्नो कोहि साथी या आफन्तकोमा समेत गएको नपाइएकोले निजका बुबा रमेशले आफ्नो छोरा खोजिदिन अपिल गरेकाछ्न ।
साथै कसैले माथिको तस्बिर भएका निज बालकलाइ कहिकतै देख्नुभएमा नजिकको प्रहरी कार्यालय या आफ्नो सम्पर्क नम्बर ९८१४३५३९५२ मा खबर गरिदिन अनुरोध समेत गरेकाछ्न ।
