कैलाश सिरोहिया भेट्न कांग्रेस नेताहरू काे-काे पुगे कान्तिपुर कम्प्लेक्स ?
साझा परिवेश
मङ्लबार, जेष्ठ ८, २०८१ १५:४९
काठमाडौँ । पक्राउ पुर्जी जारी भएसँगै प्रमुख प्रतिपक्षी दल नेपाली कांग्रेसका सांसदहरू कान्तिपुर पब्लिकेसनका अध्यक्ष कैलाश सिरोहियालाई भेट्न पुगेका छन् ।
कांग्रेस सांसदहरूले राजनीतिक प्रतिशोधका आधारमा सरकारले कारबाही गरे आफूहरूको साथ रहने सिरोहियालाई बताएको कांग्रेस सांसद रामहरि खतिवडाले जानकारी दिए ।
यता आफूमाथि राजनीतिक प्रतिशोध साँधिएको सिरोहियाको दाबी थियो । उनले भने, ‘यस्ता कुनै पनि ब्लाकमेलिङ र राजनीतिक ब्ल्याकमेलिङबाट हामी कति पनि विचलित नभई आफ्नो कर्तव्य पूरा गर्छौँ ।’
‘व्यक्तिगतरुपमा म जस्तो पनि अनुसन्धान भोग्नका लागि तयार छु,’ कांग्रेस नेताहरूसँग सिरोहियाले भने, ‘तर कान्तिपुर मिडिया ग्रुपलाई राजनीतिक सौदाबाजी गरेको मलाई मान्य छैन । यसका लागि तपाईंहरूको ऐक्यबद्धताका लागि तपाईंहरूलाई धन्यवाद ।’
