सुनिताले बालेनलाई लक्षित गर्दै “स्टन्ट गरेर देश बन्दैन” भनेपछी
साझा परिवेश
शुक्रबार, बैशाख १३, २०८२ १९:५६
एमालेको युथ सेलिब्रेसन कार्यक्रममा बोल्दै नेतृ सुनिता डंगोलले काठमाडौं महानगर प्रमुख बालेन शाहप्रति कटाक्ष गरेकी छन्। उनले लोकप्रियता खोज्दै स्टन्ट गर्ने संस्कारले देश नबन्ने बताउँदै योजनाबद्ध र इमान्दार काम आवश्यक रहेको उल्लेख गरेकी छन्।
‘हामी हल्लाका पछाडि लाग्दैनौँ। धेरैले स्टन्ट गर्नुहुन्छ, अरुलाई गाली गर्नुहुन्छ, अनि त्यसैले देश बन्छ जस्तो लाग्छ,’ भन्दै डंगोलले प्रत्यक्ष रूपमा बालेनलाई लक्षित गरेकी थिइन्।
उनले एमालेका युवालाई काम गर्ने, अनुशासित र जिम्मेवार युवा भन्दै बालेनको जस्तो अराजक शैलीको विरोध गरिन्। ‘हामी अराजक होइनौं, अनुशासित युवा बनौं,’ भन्दै उनले योजनामै आधारित भएर देश निर्माणमा लाग्नुपर्नेमा जोड दिएकी छन्।
सुनिताको बालेन लक्षित अभिव्यक्तिले अहिले उनको चौतर्फी आलोचना भैरहेको छ । पछिल्लो समय बालेन र सुनिताको असन्तोष्टी प्रष्ट रुपमा देखीन थालेको छ । विशेषगरी प्रमुख प्रशासकीय अधिकृतलाई जबरजस्ती महानगरमा हाजिर गर्ने क्रममा यो विवाद उत्कर्षमा पुगेको थियो ।
