७ दिनदेखि बेपत्ता ९ बर्षीय बालकको शव भेटियो गाडेको अवस्थामा
साझा परिवेश
मङ्लबार, बैशाख १७, २०८२ २0:२७
बाँकेमा ७ दिनदेखि बेपत्ता बालकको शव गाडेको अवस्थामा फेला परेको छ। कोहलपुर माविमा कक्षा ३ मा पढ्ने ९ वर्षीीय बालक कुशल बुढा वैशाख ८ गतेदेखि बेपत्ता थिए। सोमबार साँझ ५ बजेतिर भेटीए तर गाडेको अवस्थामा ।
बैजनाथ गाउँपालिका– ४ नौलापुरस्थित कुलोमा कुशलको शव गाडिएको अवस्थामा फेला परेको जिल्ला प्रहरी कार्यालयका डिएसपी दीपक पातलीले जानकारी दिए। शव फेला परेको ठाउँबाट ९० फिट टाढा उनको साइकल फेला परेको हो। साइकल पनि परालले छोपेको अवस्थामा फेला परेको थियो। बालककै रातो टिसर्ट पनि १३ फिट टाढा गाडिएको अवस्थामा फेला परेको छ। कुशलकी आमा ३२ वर्षीया यशोदा बुढाले छोराको कपडाबाट पहिचान गरेकी थिइन्।
कुशलका बुवाले झन्डै ७ वर्ष पहिले आत्महत्या गरेपछि आमा यशोदाले दोस्रो विवाह गरेकी थिइन्।
प्रहरीले अहिले आमा यशोदा र सौतेलो बुवा दैलेखको दुल्लु नगरपालिका– १० घर भई हाल यशोदासंगै कोहलपुर–११ मा डेरागरी बस्ने ३३ वर्षीय निरकनाथ योगीलाई नियन्त्रणमा लिएको छ। साथै कुशलसँगै अध्यनरत विद्यालयका साथीहरू, शिक्षक लगायतसँग पनि प्रहरीले सोधपुछ गरिरहेको छ।
