अब घरबाटै जागिर खोज्न मिल्नेगरि सरकारले ल्यायो यस्तो एप्स
साझा परिवेश
बिहिबार, बैशाख १९, २०८२ १८:५७
नेपाल सरकारले वैदेशिक तथा आन्तरिक रोजगारीलाई व्यवस्थित बनाउन ‘श्रम संसार’ नामक नयाँ पोर्टल shramsansar.gov.np सुरु गरेको छ।
जसका माध्यमबाट अब घरबाटै जागिर खोज्न मिल्ने भएको छ ।
यो पोर्टलमार्फत रोजगारदाता र रोजगारी खोज्ने व्यक्तिहरू एक–अर्कासँग प्रविधिको माध्यमबाट सोझै सम्पर्क गर्न सक्नेछन्। काम खोज्न विदेश धाउनु नपर्ने र रोजगारदाता पनि आफुलाई चाहिने कर्मचारी छान्न सक्ने व्यवस्था यो पोर्टलले मिलाउनेछ।
सरकारले यस रोजगार विनिमय कार्यक्रमलाई छिट्टै नागरिक एपसँग पनि जोड्ने तयारी थालेको छ,
जसबाट मोबाइलबाटै सजिलै काम खोज्न सकिनेछ। यसबाट हजारौं युवालाई रोजगारीको अवसर खुल्ने अपेक्षा गरिएको छ। प्रविधि मार्फत रोजगारी व्यवस्थापन गर्ने सरकारी पहलका रूपमा ‘श्रम संसार’ देशभरिका युवा र रोजगारदाताबीचको दूरी घटाउने ठूलो प्लेटफर्म बन्ने विश्वास गरिएको छ ।
