चिनिया दुतावासले दियो आफ्ना नागरीलाई भारत सिमा नाकामा नजान चेतावनी
साझा परिवेश
शुक्रबार, बैशाख २७, २०८२ २१:४१
काठमाडौंस्थित चिनियाँ दूतावासले चीनका नागरिकलाई नेपाल–भारत सीमा ननजिकिन, फोटो नखिच्न र नेपाली गाइडमाथि आँखा चिम्लेर विश्वास नगर्न चेतावनी दिएको छ।
दूतावासले आफ्ना नागरिकलाई नेपालतर्फबाट भारतीय भूमिमा प्रवेश नगर्न चेतावनी जारी गरेको हो । भूलवश भारत प्रवेश गरे २–८ वर्ष जेल र जरिवाना हुनसक्ने जनाएको छ।” पछिल्लो पटक रक्सौल नाकाबाट केही चीनिया पक्राउ परेका थिए ।
भारत पाकिस्तान युद्धसँगै नेपाल भारत सीमा क्षेत्रमा कडा सुरक्षा बढाइएको छ । दूतावासको वीच्याट च्यानलमा चाइनिज भाषामा सो ट्राभल एडभाइजरी जारी भएको हो । नेपाल र भारत दुवै देशले सीमा क्षेत्रमा सुरक्षा सतर्कता बढाएको र तनावको स्थिति रहेको भन्दै चीनिया नागरिकलाई बोर्डर क्षेत्रमा नजान भनेको छ ।
दुवै देशबीच खुला सिमाना रहेको भन्दै दूतावसको सूचनामा भनिएको छ–कुनै पनि हालतमा गल्तीले पनि भारतीय भूमिमा प्रवेश नगर्नू ।
