सर्वोच्चको फैसलाः स्थानीय तहमा उम्मेदवारी अघि राजीनामा गर्नुपर्ने प्रावधान संवैधानिक
साझा परिवेश
मङ्लबार, कार्तिक १५, २०७९ 0८:३८
काठमाडौँ – सर्वोच्च अदालतले सार्वजनिक पदमै रहेर चुनावमा सहभागी हुन नदिनु संवैधानिक र न्यायसँग भएको ठहर गरेको छ।
निर्वाचन आयोगले गत वैशाख ३० गते भएको स्थानीय तहको चुनावमा उम्मेदवारी दर्ता गर्नुअघि अघिल्लो पटक निर्वाचित भएका जनप्रतिनिधिहरुले राजीनामा दिनुपर्ने व्यवस्था आचार संहिता मार्फत गरेको थियो।
स्थानीय तहको चुनावका लागि जारी भएको निर्वाचन आचार संहिता, २०७८ को दफा ३६ मा स्थानीय तहमा बहाल रहेका जनप्रतिनिधिले अर्को कार्यकालका लागि उम्मेदवारी दिनुअघि राजीनामा गर्नुपर्ने व्यवस्था गरेको थियो।
आचार संहिताको उक्त दफामा उल्लेख गरिएको छ, ‘कुनै स्थानीय तह वा स्थानीय तहको स्वामित्व वा नियन्त्रणमा रहेको वा स्थानीय तहबाट अनुदान प्राप्त संस्थामा सुविधा वा पारिश्रमिक पाउने गरी बहाल रहेको निर्वाचित वा मनोनयन पदाधिकारीले स्थानीय तहको निर्वाचनमा उम्मेदवारको मनोनय दर्ता गर्नु अगावै बहाल रहेको पदबाट राजीनामा गर्नुपर्नेछ।’
